അഭിനന്ദന്‍ വര്‍ദ്ധമാന്‍, നിങ്ങള്‍ ഞങ്ങളുടെ ഹീറോയാണെന്ന് ഫെയ്സ്ബുക്കില്‍ കുറിച്ച ടെന്നീസ് താരം സാനിയ മിര്‍സയെ വിമര്‍ശിച്ച് പാകിസ്ഥാനികള്‍. പാക് സൈന്യത്തിന്റെ പിടിയിലായതിന് ശേഷം മോചിപ്പിക്കപ്പെട്ട ഇന്ത്യന്‍ വ്യോമസേന വിങ്ങ് കമാന്‍ഡര്‍ അഭിനന്ദിനെ സാനിയ സ്വാഗതം ചെയ്തതിന് പിന്നാലെ സാനിയയുടെ പോസ്റ്റിനെതിരെ ശക്തമായ വിമര്‍ശനമാണ് പാകിസ്ഥാനില്‍ നിന്നുയരുന്നത്.
അഭിനന്ദ് ഞങ്ങളുടെ ഹീറോയാണെന്നും താങ്കളുടെ ധൈര്യത്തിനും അന്തസ്സിനും രാജ്യത്തിന്റെ സല്യൂട്ടെന്നുമായിരുന്നു സാനിയയുടെ എഫ് ബി പോസ്റ്റ്. എന്നാല്‍ അഭിനന്ദന്‍ വര്‍ത്തമാന്‍ പരാജയപ്പെട്ടുപോയ സൈനികനാണെന്നും അദ്ദേഹത്തെ വിട്ടയച്ചതിന് തങ്ങളുടെ പ്രധാനമന്ത്രി ഇമ്രാന്‍ഖാനോട് നന്ദി പറയണമെന്നുമാണ് ചിലര്‍ പറയുന്നത്.
പാക് പോര്‍ വിമാനങ്ങള്‍ക്ക് നേര്‍ വെടിയുതിര്‍ത്തതാണോ അതോ അതിര്‍ത്തി കടന്നതാണോ അഭിനന്ദിന്റെ ധൈര്യമെന്നും ലക്ഷ്യം നിറവേറ്റാന്‍ കഴിയാത്ത ആളാണ് അഭിനന്ദെന്നും മറ്റ് ചിലര്‍ ശക്തമായ ഭാഷയില്‍ സാനിയയുടെ പോസ്റ്റിനോട് പ്രതികരിക്കുന്നു. ദേശീയ വികാത്തിനൊപ്പം വ്യക്തിപരമായും സാനിയയെ അധിക്ഷേപിക്കാനും ചിലര്‍ മടിച്ചില്ല. ഷോയിബ് മാലിക്കിന് ഭാര്യയില്‍ നിയന്ത്രണമില്ലെന്നും സാനിയ വിവാഹമോചനത്തിനായി ആഗ്രഹിക്കുന്നു എന്ന് വരെ പറയാന്‍ ഇക്കൂട്ടര്‍ മടിക്കുന്നില്ല. പാക് പൗരനായ ഷോയിബ് മാലിക്കിനെ വിവാഹം ചെയ്യാനുള്ള സാനിയയുടെ തീരുമാനത്തിനെതിരെ ഇരുരാജ്യങ്ങലില്‍ നിന്നും ശക്തമായ വിമര്‍ശനമുയര്‍ന്നിരുന്നു.
Post Your Comments