പനാജി: കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയെ പുകഴ്ത്തി ബിജെപി നേതാവ് മൈക്കല്‍ ലോബോ രോഗബാധിതനായ ഗോവ മുഖ്യമന്ത്രി മനോഹര്‍ പരീക്കറെ കാണാന്‍ രാഹുല്‍ ഗോവയില്‍ എത്തിയതിനു പിന്നാലെയാണ് ലോബോ രാഹുലിനെ പ്രശംസിച്ചത്. നിലവില്‍
ഗോവ നിയസഭയിലെ ഡെപ്യൂട്ടി സ്പീക്കറാണ് മൈക്കല്‍ ലോബോ.
അദ്ദേഹത്തിന്റെ ലാളിത്യവും വിനയവും ഗോവക്കാര്‍ മാത്രമല്ല എല്ലാ ഇന്ത്യക്കാരും പ്രശംസിക്കേണ്ടതാണ്. രാഹുലിനെ പോലുള്ള നേതാക്കളാണ് ഗോവയിലും ഇന്ത്യയ്ക്കും ആവശ്യമെന്നും ലോബോ പറഞ്ഞു.
അര്‍ബുദബാധിതനായ പരീക്കറെ കാണാനായി മാത്രമാണ് രാഹുല്‍ ചൊവ്വാഴ്ച ഗോവയിലെത്തിയത്. അദ്ദേഹത്തോടൊപ്പം പത്ത് മിന്റ്റ് രാഹുല്‍ ചെലവഴിച്ചു. പരീക്കറെ വസതിയിലെത്തി കാണാനാണ് രാഹുല്‍ തീരുമാനിച്ചിരുന്നതെങ്കിലും അദ്ദേഹം നിയമസഭയിലെക്ക് പുറപ്പെട്ടതിനാല്‍ അവിടെ എത്തിയാണ് കണ്ടത്.
അതേസമയം രാഹുല്‍ പതിവായി തന്റെ ആരോഗ്യ വിവരങ്ങള്‍ തിരക്കാറുണ്ടായിരുന്നുവെന്ന് പരീക്കര്‍ പിന്നീട് കോണ്‍ഗ്രസ് നേതാക്കളോട് പറഞ്ഞു. ആരോഗ്യപ്രശ്നങ്ങള്‍ അറിയാന്‍ തന്റെ മകനുമായും രാഹുല്‍ സമ്പര്‍ക്കം പുലര്‍ത്തിയിരുന്നെന്നും പരീക്കര്‍ വ്യക്തമാക്കി.
Post Your Comments