മംഗലാപുരം : സുഹൃത്തുക്കളുമൊത്ത് തമാശപറഞ്ഞും നൃത്തം ചെയ്തും താരമായി യതീഷ് ചന്ദ്ര ഐപിഎസ് . മംഗലാപുരത്ത് നടന്ന ഒരു വിവാഹ വേദിയില്‍ യതീഷ് ചന്ദ്ര ഐ.പി.എസ് ആയിരുന്നു ശ്രദ്ധാകേന്ദ്രം.ബിസിനസുകാരനായ കെ.എസ് പ്രസാദ് പണിക്കരുടെ മക്കളുടെ വിവാഹച്ചടങ്ങിലാണ് യതീഷ് ചന്ദ്രയുടെ കലക്കന്‍ ഡാന്‍സ്. വിവാഹ വേദിയിലേക്കുള്ള അദ്ദേഹത്തിന്റെ വരവും സിനിമാസ്റ്റയിലില്‍ തന്നെയായിരുന്നു. ഇപ്പോള്‍ ഈ വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്.
മംഗലാപുരത്ത് വച്ച് നടന്ന വിവാഹച്ചടങ്ങില്‍ സിനിമ താരങ്ങളുടെ ഉള്‍പ്പടെ സാന്നിധ്യമുണ്ടായിരുന്നെങ്കിലും താരമായത് ഐപിഎസ് ഹീറോ തന്നെയാണ്.ജോലിയില്‍ യാതൊരു വിട്ടുവീഴ്ചയുമില്ലാതെ കര്‍മനിരതനാവുകയാണ് അദ്ദേഹത്തിന്റെ പതിവ്. സിനിമ സ്‌റ്റൈല്‍ ഗൗരവവും പെരുമാറ്റവുമുള്ള യതീഷ് ചന്ദ്ര പക്ഷേ സുഹൃത്തക്കള്‍ക്കിടയില്‍ നൃത്തം ചെയ്തും തമാശപറഞ്ഞുമാണ് ആഘോഷിക്കുന്നത്. ഇത്തരത്തില്‍ സൗഹൃദ വലയത്തില്‍ ആഘോഷ നിമിഷങ്ങള്‍ പങ്കുവയ്ക്കുന്ന യതീഷ് ചന്ദ്രയുടെ വിഡിയോയാണ് ഇപ്പോള്‍ സമൂഹ്യമാധ്യമങ്ങളില്‍ വൈറലാവുന്നത്.
ദൃശ്യങ്ങള്‍ക്ക് കടപ്പാട്
കേരള ഓണ്‍ലൈന്‍
Post Your Comments