ന്യൂ ഡൽഹി : പാര്‍ട്ടി നേതൃത്വത്തിലേക്കുള്ള പ്രിയങ്ക ഗാന്ധിയുടെ വരവിനെ കുറിച്ച് പ്രതികരിച്ച് ബിജെപി. കോണ്‍ഗ്രസ് എന്നും കുടുംബപാര്‍ട്ടിയാണെന്നതിന് ഇക്കാര്യം തെളിവാണെന്നും,രാഹുലിന്റെ നേതൃത്വത്തിൽ വിജയിക്കാനാവില്ലെന്ന് കോൺഗ്രസ് മനസിലാക്കിയെന്നും ബിജെപിയുടെ മാധ്യമവക്താവ് ബാബുൽ സുപ്രിയോ പറഞ്ഞു.
രാഹുല്‍ ഗാന്ധി പാര്‍ട്ടി അധ്യക്ഷനെന്ന നിലയില്‍ പരാജയപ്പെട്ടുന്നുള്ള പരസ്യപ്രഖ്യാപനമാണിതെന്നു മറ്റൊരു ബിജെപി വക്താവ് സാംപിത് പത്ര പറഞ്ഞു. പാര്‍ട്ടിയെ നയിക്കാന്‍ രാഹുലിന് സാധിക്കാതെ വന്നതോടെ ഒരു ഊന്ന് വടിയായിട്ടാണ് കുടുംബത്തില്‍ നിന്നും പ്രിയങ്കയെ കൊണ്ടു വന്നിരിക്കുന്നത്. ഗാന്ധി കുടുംബത്തിനപ്പുറം നോക്കാനുള്ള ശേഷി പോലും കോണ്‍ഗ്രസിനില്ലെന്ന് ഇതോടെ വീണ്ടും തെളിഞ്ഞു. ബിജെപി പ്രവര്‍ത്തകര്‍ക്ക് പാര്‍ട്ടിയാണ് കുടുംബമെങ്കില്‍ കുടുംബം തന്നെ പാര്‍ട്ടിയാവുന്ന അവസ്ഥയാണ് കോണ്‍ഗ്രസിലെന്നും സാംപിത് പത്ര പറഞ്ഞു.
Post Your Comments