ബെംഗളൂരു: കര്‍ണാടക മുന്‍ മുഖ്യമന്ത്രിയും കോണ്‍ഗ്രസ് നേതാവുമായ സിദ്ധരാമയ്യക്ക് കോണ്‍ഗ്രസ് എം എല്‍ എ ആഡംബര കാര്‍ സമ്മാനിച്ചതായി റിപ്പോര്‍ട്ട്. കര്‍ണാടകയില്‍ കോണ്‍ഗ്രസിന്റെയും ബി ജെ പിയുടെയും രാഷ്ട്രീയ കരുനീക്കങ്ങള്‍ സജീവമായിരിക്കെയാണ് വാര്‍ത്ത പുറത്തെത്തിയിരിക്കുന്നത്.
കോണ്‍ഗ്രസ് എം എല്‍ എ ബൈരാതി സുരേഷ് സിദ്ധരാമയ്യക്ക് മെഴ്സിഡീസ് ബെന്‍സ് കാര്‍ സമ്മാനിച്ചുവെന്നാണ് റിപ്പോര്‍ട്ടുകള്‍. എന്നാല്‍ ഈ റിപ്പോര്‍ട്ടുകളെ തള്ളി മന്ത്രി ഡി കെ ശിവകുമാര്‍ രംഗത്തെത്തി.സിദ്ധരാമയ്യക്ക് കാര്‍ സുരേഷ് സമ്മാനിച്ചതല്ലെന്നും യാത്രാ ആവശ്യങ്ങള്‍ക്കായി വിട്ടുകൊടുത്തതാണെന്നും അദ്ദേഹം പറഞ്ഞു. ‘ചിലപ്പോള്‍ യാത്ര ചെയ്യാന്‍ സുഹൃത്തുക്കളുടെ വാഹനം ഉപയോഗിക്കാറില്ലേ’ അതുപോലെയാണിതെന്നും ശിവകുമാര്‍ കൂട്ടിച്ചേര്‍ത്തു. സിദ്ധരാമയ്യ കാര്‍ സമ്മാനമായി സ്വീകരിച്ചതാണ് എന്നതിന് എന്തെങ്കിലും രേഖയുണ്ടോയെന്നും അദ്ദേഹം ആരാഞ്ഞു.
Post Your Comments