തകർപ്പൻ സൗണ്ട് ബാര്‍ വിപണിയിലെത്തിച്ച് ഷവോമി

തകർപ്പൻ എം.ഐ സൗണ്ട് ബാര്‍ വിപണിയിലെത്തിച്ച് ഷവോമി. 30 സെക്കന്റു കൊണ്ട് സെറ്റപ്പ് പൂര്‍ത്തിയാകുമെന്നതാണ് ഈ സൗണ്ട്ബാറിന്റെ പ്രധാന പ്രത്യേകത. 20 മില്ലി മീറ്ററിന്റെ ഡോം സ്പീക്കറുകൾ, 2.5 ഇഞ്ച് വൂഫർ,നാല് പാസീവ് റേഡിയേറ്റർ എന്നിവ എം.ഐ സൗണ്ട് ബാറില്‍ ഘടിപ്പിച്ചിരിക്കുന്നു.

അതോടൊപ്പം തന്നെ ബ്ലൂടൂത്ത് വേര്‍ഷന്‍ 4.2, ഓപ്റ്റിക്കല്‍, ലൈന്‍ ഇന്‍, 3.5 എം.എം ഓക്സ് ഇന്‍ എന്നീ കണക്ടീവിറ്റി സംവിധാനങ്ങളും ലഭ്യമാക്കിയിട്ടുണ്ട്. ഏത് ടിവിയിലും എം.ഐ സൗണ്ട്ബാര്‍ ബന്ധിപ്പിച്ച് ഉപയോഗിക്കാനൽകുമെന്ന അവകാശ വാദമാണ് കമ്പനി ഉന്നയിക്കുന്നത്. 

ജനുവരി 16 ന് ഉച്ചയ്ക്ക് 12 മുതല്‍ വില്‍പ്പന ആരംഭിക്കുന്ന എം.ഐ സൗണ്ട് ബാറിന് 4,999 രൂപയാണ് വില നിശ്ചയിച്ചിരിക്കുന്നത്. ഔദ്യോഗിക വെബ്‌സൈറ്റായ എംഐ.കോമിലും എംഐയുടെ ഹോം സ്‌റ്റോറുകളിലൂടെയുമാകും വിൽപ്പന.