മധുര: ശബരിമലയില്‍ ദര്‍ശനം സാധ്യമാകാതെ മനിതി സംഘം ഇന്ന് ചെന്നൈയിലേക്ക് മടങ്ങും. 11 അംഗ മനിതി സംഘമാണ് ഇന്ന് തിരികെ മടങ്ങുന്നത്. തേനി-മധുര റൂട്ടിലേക്ക് കടന്നയുടനെ ഇവരുടെ വാഹനത്തിന് ഒരു സംഘം കല്ലെറിഞ്ഞു. 11 അംഗ സംഘം മടങ്ങിയ ശേഷം കേരളത്തിലെത്തിയ മൂന്ന് മനിതി അംഗങ്ങള്‍ ഇന്ന് മുഖ്യമന്ത്രിയെ കണ്ടേക്കും. ഇന്നലെ പത്തനംതിട്ടയിലെത്തിയെങ്കിലും പ്രത്യേക സാഹചര്യത്തില്‍ ശബരിമലയിലേക്കില്ലെന്ന് ഇവര്‍ പൊലീസിനോട് വ്യക്തമാക്കിയിരുന്നു.
ഞായറാഴ്ച്ച ഉച്ചയോടെ കോട്ടയത്ത് എത്തിയ ഇവരെ പാമ്ബാടി സര്‍ക്കിള്‍ ഇന്‍സ്പെക്ടറുടെ നേതൃത്വത്തില്‍ പത്തനംതിട്ട വനിതാ പൊലീസ് സെല്ലില്‍ എത്തിച്ചു. ശബരിമലയിലെ സ്ഥിതിഗതികള്‍ പൊലീസ് ഇവരെ ധരിപ്പിക്കുകയും സെല്‍വി മടങ്ങിയ വിവരം അറിയിക്കുകയും ചെയ്തു.
തുടര്‍ന്ന് തങ്ങളും നാട്ടിലേക്ക് മടങ്ങുകയാണെന്ന് യുവതികള്‍ പൊലീസിനെ അറിയിച്ചു. പത്തനംതിട്ടയില്‍ വാര്‍ത്താ സമ്മേളനം നടത്തണമെന്ന് ഇവര്‍ ആവശ്യപ്പെട്ടങ്കിലും പൊലീസ് അതും അനുവദിച്ചിരുന്നില്ല. ആറ് മണിക്കൂര്‍ നീണ്ട നാടികീയ സംഭവങ്ങള്‍ക്കും സംഘര്‍ഷത്തിനുമൊടുവിലാണ് ശബരിമല ദര്‍ശനത്തിനെത്തിയ പതിനൊന്നംഗ മനിതി സംഘം മടങ്ങിയത്.
Post Your Comments