പരുന്തിന്റെ ആക്രമണം; പരിഭ്രാന്തരായി നാട്ടുകാര്‍

ശൂരനാട്: ശൂരനാട് ഗവ.ഹൈസ്‌കൂളിനു സമീപമാണ് രണ്ടു ദിവസമായി പരുന്ത് നിലയുറപ്പിച്ചിരിക്കുന്നത്. കഴിഞ്ഞ ദിവസം ആറോളം പേര്‍ക്കാണ് പരിക്കേറ്റത്. അടുത്തുള്ള വലിയ കുടിവെള്ള ടാങ്കിനു മുകളില്‍ ഇരിക്കുന്ന പരുന്ത് വഴിയിലൂടെ പോകുന്ന ആളുകളെ ആക്രമിക്കുന്നു. വിവരം വനംവകുപ്പധികൃതരെ അറിയിച്ചിട്ടുണ്ടെന്ന് പഞ്ചായത്ത് അറിയിച്ചു. പരിക്കേറ്റവര്‍ വിവിധ ആശുപത്രിയില്‍ ചികിത്സയിലാണ്. പരുന്തിനെ എങ്ങനെ പിടിക്കുമെന്ന ചിന്തയിലാണ് അധികൃതര്‍.