ഗുജറാത്ത് – ജാര്‍ഖണ്ഡ് ഉപതെരഞ്ഞെടുപ്പ് : ആദ്യ ലീഡ് നില പുറത്ത്

ഗാന്ധിനഗര്‍/റാഞ്ചി•ഗുജറാത്ത്‌ ജസ്ദാന്‍ നിയമസഭാ മണ്ഡലത്തിലെയും ജാര്‍ഖണ്ഡിലെ കൊലേബിര നിയമസഭാ മണ്ഡലത്തിലെയും ഉപതെരഞ്ഞെടുപ്പിന്റെ വോട്ടെണ്ണല്‍ പുരോഗമിക്കുന്നു.

ജസ്ദാനില്‍ 6 റൗണ്ട് വോട്ടെണ്ണല്‍ പൂര്‍ത്തിയായപ്പോള്‍ കോണ്‍ഗ്രസിനെതിരെ ബി.ജെ.പിയുടെ കുന്‍വര്‍ജി ബാവലിയ 10,400 വോട്ടുകള്‍ക്ക് ലീഡ് ചെയ്യുന്നു. ബാവലിയയ്ക്ക് ഇതുവരെ 33,700 വോട്ടുകളും കോണ്‍ഗ്രസ് സ്ഥാനാര്‍ഥി അവ്സര്‍ നകിയയ്ക്ക് 23,100 വോട്ടുകളും ലഭിച്ചു.

കൊലേബിരയില്‍ രണ്ട് റൗണ്ട് വോട്ടെണ്ണല്‍ പൂര്‍ത്തിയായപ്പോള്‍ കോണ്‍ഗ്രസ് സ്ഥാനാര്‍ഥി നമന്‍ വിക്സല്‍ കോങ്ങാഡി 1,000 ത്തോളം വോട്ടുകള്‍ക്ക് മുന്നിലാണ്. 15 വര്‍ഷമായി കോണ്‍ഗ്രസ് ജയിക്കാത്ത മണ്ഡലമാണ് കൊലേബിര.