പുളിങ്കുന്ന്: പുളിങ്കുന്നിലുണ്ടായ സ്‌ഫോടനത്തില്‍ നാല് കടകള്‍ക്ക് നാശനഷ്ടം. ആളപായമില്ല. പൊട്ടിത്തെറിയുടെ കാരണം വ്യക്തമല്ല. ജങ്കാര്‍ കടവിന് സമീപം പാടിയത്തറ ലാലിച്ചന്റെ ലിയോ ഏജന്‍സിയുടെ പരിസരത്താണ് പൊട്ടിത്തെറിയുണ്ടായത്. സ്‌ഫോടനത്തിന്റെ ആഘാതത്തില്‍ സമീപത്തെ സ്റ്റുഡിയോ, ബേക്കറി , ഇരുമ്പുകട എന്നിവയ്ക്കും കേടുപാടുകള്‍ സംഭവിച്ചു. ചൊവ്വാഴ്ച പുലര്‍ച്ചെ അഞ്ചോടെയാണ് സംഭവം. പുലര്‍ച്ചെയായതിനാല്‍ അധികമാളുകള്‍ സമീപത്തില്ലാതിരുന്നതിനാലാണ് ആളപായമൊഴിവായത്. ഉഗ്രശബ്ദത്തോടെയുണ്ടായ സ്ഫോടനത്തെത്തുടര്‍ന്ന് അന്‍പതുമീറ്ററോളം ചുറ്റളവില്‍ ചില്ലുകളും കെട്ടിടത്തിന്റെ അവശിഷ്ടങ്ങളും മറ്റും ചിതറിത്തെറിക്കുകയുണ്ടായി.
Post Your Comments