യൂത്ത് ലീഗ് പ്രവർത്തകന്റെ കൊലപാതകം ; കോടതി വിധി ഇന്ന്

കോഴിക്കോട് : യൂത്ത് ലീഗ് പ്രവർത്തകന്റെ കൊലപാതകക്കേസിലെ വിധി ഇന്ന്. പുത്തലത്ത് നസറുദ്ദീനെ കൊലപ്പെടുത്തിയ കേസില്‍ 2 എസ്.ഡി.പി.ഐ പ്രവര്‍ത്തകര്‍ കുറ്റക്കാരാണെന്ന് കോടതി കണ്ടെത്തിയിരുന്നു. കേസിലെ ഒന്നും രണ്ടും പ്രതികളായിരുന്ന കപ്പച്ചേരി ബഷീര്‍, കൊല്ലിയില്‍ അന്ത്രു എന്നിവരെയാണ് കോഴിക്കോട് ജില്ലാ സെഷന്‍ കോടതി കുറ്റക്കാരായി പ്രഖ്യാപിച്ചത്.

2016 ജൂലായ് 15നാണ് വേളത്തെ യൂത്ത് ലീഗ് പ്രവര്‍ത്തകനായ നസിറുദ്ദിന്‍ കൊല്ലപ്പെടുന്നത്. നസറുദ്ദിനും ബന്ധു അബ്ദുള്‍ റഊഫും ബൈക്കില്‍ സഞ്ചരിക്കവെ പ്രതികള്‍ രാഷ്ട്രീയ വൈരാഗ്യത്തിന്റെ പേരില്‍ തടഞ്ഞ് നിര്‍ത്തി കൊലപ്പെടുത്തിയെന്നാണ് കേസ്. ഏഴു പ്രതികളും 47 സാക്ഷികളുമാണ് കേസിൽ ഉണ്ടായിരുന്നത്.