വിവിധ തസ്തികകളില്‍ വാക്ക്-ഇൻ-ഇന്റർവ്യൂ

കേരള സാമൂഹ്യനീതി വകുപ്പിന്റെ കീഴിൽ കേരള മഹിള സമഖ്യ സൊസൈറ്റി മുഖേന പ്രവർത്തിക്കുന്ന ഇടുക്കി ജില്ലയിലെ നിർഭയ ഷെൽട്ടർ ഹോമിലേക്ക് സോഷ്യൽ വർക്കർ കം കേസ് വർക്കർ, സൈക്കോളജിസ്റ്റ് (പാർട്ട് ടൈം), സെക്യൂരിറ്റി തസ്തികകളിൽ വാക്ക്-ഇൻ-ഇന്റർവ്യൂ നടത്തും. നവംബർ 30ന് രാവിലെ 11ന് ഇടുക്കി തൊടുപുഴ മിനി സിവിൽ സ്റ്റേഷൻ ഹാളിൽ നടത്തുന്ന ഇന്റർവ്യൂവിൽ പങ്കെടുക്കുന്നവർ വെള്ളപേപ്പറിൽ തയ്യാറാക്കിയ അപേക്ഷ, സർട്ടിഫിക്കറ്റുകളുടെ അസൽ കോപ്പി, ഫോട്ടോകോപ്പി എന്നിവയുമായി എത്തണം. കൂടുതൽ വിവരങ്ങൾക്ക്: 04712348666.

സോഷ്യൽ വർക്കർ കം കേസ് വർക്കർക്ക് എം.എസ്.ഡബ്‌ള്യൂ/എം.എ (സോഷ്യോളജി/എം.എ (സൈക്കോളജി)/എം.എസ്‌സി(സൈക്കോളജി) എന്നിവയാണ് യോഗ്യത. പ്രായം 25 നും 45 നും മധ്യേ. പ്രതിമാസം 12,000 രൂപയാണ് വേതനം. സൈക്കോളജിസ്റ്റിന് (പാർട്ട് ടൈം) എം.എസ്‌സി/എം.എ (സൈക്കോളജി) യും ഒരു വർഷത്തെ പ്രവൃത്തിപരിചയവുമാണ് യോഗ്യത. പ്രായം 25 നും 45 നും മധ്യേ. പ്രതിമാസം 7,000 രൂപയാണ് വേതനം. സെക്യൂരിറ്റിക്ക് എസ്.എസ്.എൽ.സിയാണ് യോഗ്യത. പ്രായം 25 നും 45 നും മധ്യേ. പ്രതിമാസം 7,500 രൂപ വേതനം ലഭിക്കും.