കൊല്ലം: കാണുന്നതിനിടെ ഉഗ്രശബ്ദത്തോടെ ടിവി പൊട്ടിതെറിച്ചു. ഇന്നലെ ഉച്ചയ്ക്ക് 2.30 നായിരുന്നു സംഭവം. കൊല്ലം തേവള്ളി ഓലയില്‍ മാവുങ്കല്‍ ഹൗസില്‍ എം.എക്സ് ജോസഫിന്റെ വീട്ടിലാണ് ടിവി പൊട്ടിതെറിച്ച് മുറിയും ഗൃഹോപകരണങ്ങളും കത്തിനശിച്ചത്. മറ്റു മുറിയിലേക്ക് തീ പടരാത്തതിനാല്‍ വന്‍ നാശനഷ്ടം ഒഴിവായി. ജോസഫും ഭാര്യയും കൊച്ചുമകളും ടിവി കാണുന്നതിനിടെ ഉഗ്രശബ്ദത്തോടെ പൊട്ടിതെറിക്കുകയായിരുന്നു.
ഈ സമയം കുഞ്ഞുമായി ഇരുവരും പുറത്തിറങി ഓടിയതിനാല്‍ പരുക്കോല്‍ക്കാകെ രക്ഷപ്പെട്ടു.സമീപവാസികള്‍ അറിയിച്ചതനുസരിച്ച് പോലീസും ഫയര്‍ഫോഴ്സും സ്ഥലത്തെത്തി സ്ഥിതി നിയന്ത്രണവിധേയമാക്കി. മുറിയില്‍ ഉണ്ടായിരുന്ന ഫര്‍ണിച്ചറുകളും ഇലക്ട്രോണിക് ഉപകരണങളും പൂര്‍ണ്ണമായും കത്തിനശിച്ചു. സംഭവത്തില്‍ ഏകദേശം ഒരു ലക്ഷം രൂപയുടെ നഷ്ടം കണക്കാക്കുന്നു.
Post Your Comments