കണ്ണൂര്‍: പാനൂരില്‍ നിന്ന് കാണാതായ സുഹൃത്തുക്കളായ വിദ്യാര്‍ത്ഥിനികള്‍ മലപ്പുറം താനൂരില്‍ എത്തിയതായി സൂചന. മലപ്പുറത്തെ ഒരു ഹോട്ടലില്‍ നിന്ന് ലഭിച്ച സിസിടിവി ദൃശ്യങ്ങളില്‍ ഇവരാണെന്ന് സംശയിക്കാവുന്ന രണ്ട് പെണ്‍കുട്ടികള്‍ റോഡിലൂടെ കടന്ന് പോവുന്ന ദൃശ്യങ്ങള്‍ പതിഞ്ഞത്.
അയല്‍വാസികളും സുഹൃത്തുക്കളുമായ സയന, ദൃശ്യ എന്നിവരെ ഇക്കഴിഞ്ഞ തിങ്കളാഴ്ച മുതലാണ് കാണാതായത്. ദൃശ്യങ്ങളില്‍ നിന്നും ഇരുവരെയും ഇവരുടെ വീട്ടുകാര്‍ തിരിച്ചറിഞ്ഞു. ദൃശ്യങ്ങള്‍ പതിഞ്ഞ ഹോട്ടലില്‍ എത്തി ഇവര്‍ നല്‍കിയ തിരിച്ചറിയല്‍ രേഖകളും പൊലീസ് പരിശോധിച്ചതായാണ് സൂചന.പാനൂരിലെ സ്വകാര്യ സ്ഥാപനത്തില്‍ ലാബ് ടെക്നീഷ്യന്‍ കോഴ്സ് വിദ്യാര്‍ത്ഥിനികളാണ് ഇരുവരും.
പതിവ് പോലെ കോളേജിലേക്ക് പോയ വിദ്യാര്‍ത്ഥിനികള്‍ വീട്ടിലേക്ക് തിരികെ എത്തിയില്ല. ഇതിനെ തുടര്‍ന്ന് രക്ഷിതാക്കള്‍ പാനൂര്‍ പോലീസ് സ്റ്റേഷനില്‍ പരാതി നല്‍കി. വിദ്യാര്‍ത്ഥിനികളെ കാണാതായി അഞ്ച് ദിവസം പിന്നിട്ടിട്ടും കൃത്യമായ സൂചനകള്‍ ഇതുവരെ ലഭിച്ചില്ല. കാണാതായ വിദ്യാര്‍ത്ഥിനികള്‍ ഹൈസ്‌കൂള്‍ പഠന കാലം മുതല്‍ അടുത്ത സുഹൃത്തുക്കളാണ്. ഇരുവരും തമ്മില്‍ അതിയായ അടുപ്പം കാണിച്ചിരുന്നതായും മണിക്കൂറുകളോളം ഫോണില്‍ സംസാരിച്ചിരുന്നതായും രക്ഷിതാക്കള്‍ പറഞ്ഞു.
Post Your Comments