ശബരിമല ; എരുമേലിയിലും നിരോധനാജ്ഞ

പത്തനംതിട്ട : മണ്ഡലകാല പൂജകൾക്കായി ശബരിമല നട നാളെ വൈകീട്ട് അഞ്ച് മണിയ്ക്ക് തുറക്കാനിരിക്കെ എരുമേലി ടൗണിലും പരിസരത്തും നിരോധനാജ്ഞ.   നാളെ രാവിലെ ഏഴുദിവസത്തേക്കാണ്  നിരോധനാജ്ഞ പ്രഖ്യാപിച്ചത്.  നേരത്തെ ഇലവുങ്കൽ മുതൽ സന്നിധാനം  വരെ ഇന്ന്  അർദ്ധരാത്രി മുതൽ 22വരെ ജില്ലാ കലക്ടർ  നിരോധനാജ്ഞ പ്രഖ്യാപിച്ചിരുന്നു. തീർത്ഥാടകർക്കും വാഹനങ്ങൾക്കും ഇളവ് പ്രഖ്യാപിച്ചിട്ടുണ്ട്.കഴിഞ്ഞ രണ്ട് തവണ നട തുറന്നപ്പോഴുണ്ടായ പ്രതിഷേധം ഇത്തവണയും ഉണ്ടാകുമെന്ന സാധ്യത മുന്നിൽ കണ്ടാണ് നടപടി.

ശബരിമലയില്‍ ക്രമസമാധാന നില വഷളാകാൻ സാധ്യതയെന്നാണ് ഇന്‍റലിജന്‍സ് റിപ്പോർട്ട്. പ്രക്ഷോഭകാരികൾ പല ഘട്ടങ്ങളായി സന്നിധാനത്തെത്താന്‍ തയ്യാറെടുക്കുന്നെന്നും കാനനപാതവഴി നടന്നാവും കൂടുതൽ പേർ എത്തുകയെന്നും ഇന്‍റലിജന്‍സ് മുന്നറിയിപ്പിൽ പറയുന്നു. അതേസമയം നടയടച്ച ശേഷം സന്നിധാനത്ത് തങ്ങാൻ ആരെയും അനുവദിക്കില്ലെന്ന് ഡിജിപി പറഞ്ഞു.

15,259 പോ​ലീ​സ് ഉ​ദ്യോ​ഗ​സ്ഥ​രെ​യാ​ണു ശ​ബ​രി​മ​ല​യി​ലും പ​രി​സ​ര​ത്തു​മാ​യി സു​ര​ക്ഷ​യ്ക്കു നി​യോ​ഗി​ച്ചി​ട്ടു​ള​ള​ത്. എ​സ്പി, എ​എ​സ്പി ത​ല​ത്തി​ല്‍ ആ​കെ 55 ഉ​ദ്യോ​ഗ​സ്ഥ​ര്‍ സു​ര​ക്ഷാ​ചു​മ​ത​ല​ക​ള്‍​ക്കാ​യി ഉ​ണ്ടാ​കും. സ​ന്നി​ധാ​ന​ത്തു 20 അം​ഗ​ങ്ങ​ളു​ള്ള കേ​ര​ള പോ​ലീ​സ് ക​മാ​ന്‍​ഡോ സം​ഘ​ത്തെ ​ഡ്യൂട്ടി​ക്കാ​യി നി​യോ​ഗി​ച്ചി​ട്ടു​ണ്ട്. മ​ണി​യാ​റി​ല്‍ ഏ​തു സാ​ഹ​ച​ര്യ​വും നേ​രി​ടു​ന്ന​തി​നാ​യി ത​ണ്ട​ര്‍ ബോ​ള്‍​ട്ടി​ന്‍റെ ഒ​രു പ്ല​റ്റൂ​ണി​നെ സ​ജ്ജ​മാ​ക്കി നി​ര്‍​ത്തിയി​ട്ടു​ണ്ട്.