ഹൈദരാബാദ്: വിരമിക്കൽ പ്രഖ്യാപിച്ച് ഇന്ത്യന്‍ ക്രിക്കറ്റ് താരം അമ്പാട്ടി റായിഡു. രഞ്ജി ക്രിക്കറ്റില്‍ നിന്നും താരം വിരമിക്കുകയാണ്. പരിമിത ഓവര്‍ ക്രിക്കറ്റില്‍ മാത്രമാകും ഇനി റായിഡു ഉണ്ടാകുക. വര്‍ഷങ്ങളായി തനിക്ക് അവസരം നല്‍കിയ ബിസിസിഐ, ഹൈദരാബാദ് ക്രിക്കറ്റ് അസോസിയേഷന്‍, ബറോഡ ക്രിക്കറ്റ് അസോസിയേഷന്‍, വിദര്‍ഭ ക്രിക്കറ്റ് അസോസിയേഷന്‍ എന്നിവര്‍ക്ക് നന്ദി അറിയിക്കുന്നതായും റായിഡു തന്റെ വിരമിക്കൽ കുറിപ്പിൽ വ്യക്തമാക്കിയിട്ടുണ്ട്. 2013-14 സീസണില്‍ ഇന്ത്യയുടെ ടെസ്റ്റ് ടീമിലെ അംഗമായിരുന്നു റായിഡു. സൗത്ത് ആഫ്രിക്ക, ന്യൂസിലന്‍ഡ് പര്യടനത്തിനുള്ള ടീമില്‍ ഉള്‍പ്പെട്ടെങ്കിലും അരങ്ങേറ്റത്തിന് കഴിഞ്ഞിരുന്നില്ല.
Post Your Comments