തിരുവനന്തപുരം: ശനി, ഞായര്‍ ദിവസങ്ങളില്‍ ട്രെയിന്‍ സര്‍വീസുകള്‍ക്ക് നിയന്ത്രണം. ഈ മാസമാണ് ട്രെയിനുകള്‍ക്ക് ശനി,ഞായര്‍ ദിവസങ്ങളില്‍ നിയന്ത്രണം ഏര്‍പ്പെടുത്തിയിരിക്കുന്നത്. എറണാകുളം- ഷൊര്‍ണൂര്‍ സെക്ഷനില്‍ ട്രാക്ക് ജോലികള്‍ നടക്കുന്നതിനാലാണ് ഏതാനും ട്രെയിന്‍ സര്‍വീസുകള്‍ക്കു നിയന്ത്രണമുണ്ടാകുകയെന്ന് റെയില്‍വേ അറിയിച്ചു. ഈ ദിവസങ്ങളില്‍ പരശുറാം എക്‌സ്പ്രസ് എറണാകുളം ടൗണിനും ഷൊര്‍ണൂരിനുമിടയില്‍ സര്‍വീസ് നടത്തില്ല.
തൃശൂര്‍- ഗുരുവായൂര്‍ പാസഞ്ചറും ഗുരുവായൂര്‍- എറണാകുളം പാസഞ്ചറും റദ്ദാക്കി. ശബരി എക്‌സ്പ്രസ്, ജംനഗര്‍ – തിരുനല്‍വേലി എക്‌സ്പ്രസ്, നേത്രാവതി എക്‌സ്പ്രസ് എന്നിവ ഈ ദിവസങ്ങളില്‍ വൈകിയോടും. ഈ മാസം അഞ്ചിന് ട്രെയിന്‍ സര്‍വീസില്‍ പ്രഖ്യാപിച്ചിരുന്ന നിയന്ത്രണങ്ങള്‍ ഉണ്ടാകില്ലെന്നും റെയില്‍വേ അറിയിച്ചു.
Post Your Comments