ചണ്ഡിഗഡ്: പഞ്ചാബിലെ അമൃത്സറില്‍ ദസ് റ ആഘോഷത്തിനിടെ ട്രെയിന്‍ വന്നിടിച്ച് 61 ഒാളം പേര്‍ മരിക്കാനിടയായ സംഭവത്തില്‍ സിബിഎെ അന്വേഷണം ആവശ്യമില്ല എന്ന് പഞ്ചാബ് – ഹരിയാന ഹെെക്കോടതി വിധിച്ചു. സിബിഐ അന്വേഷണം ആവശ്യപ്പെട്ട് ഗുരുഗ്രാം സ്വദേശിയായ അഭിഭാഷകന്‍ ദിനേഷ് കുമാര്‍ സമര്‍പ്പിച്ച ഹര്‍ജി ഹെെക്കോടതി തള്ളി. സംഭവത്തില്‍ സിബിഐ അന്വേഷണമോ പ്രത്യേക സംഘമോ അന്വേഷിക്കണമെന്നായിരുന്നു അദ്ദേഹം ആവശ്യപ്പെട്ടത്.
അപകടത്തില്‍ ജീവന്‍ നഷ്ടപ്പെട്ടവര്‍ക്ക് മതിയായ നഷ്ടപരിഹാരം അനുവദിക്കണമെന്നും അദ്ദേഹം ഹര്‍ജിയില്‍ ആവശ്യപ്പെട്ടിരുന്നു. ദസറ ആഘോഷത്തില്‍ മുഖ്യാതിഥിയായിരുന്ന കോണ്‍ഗ്രസ് നേതാവ് നവജോത് കൗര്‍ സിംഗിനെതിരേയും അന്വേഷണം വോണമെന്ന് ഹര്‍ജിയില്‍ ചേര്‍ത്തിരുന്നു. ഇത് കോടതി നിരീക്ഷിച്ചു. നവജോത് കൗറിനെതിരെ അന്വേഷണം വേണമെന്ന ആവശ്യവും കോടതി തള്ളി. പ്രധാനമന്ത്രി രണ്ട് ലക്ഷം രൂപയും സംസ്ഥാന സര്‍ക്കാര്‍ അഞ്ച് ലക്ഷം രൂപയും അപകടത്തില്‍ മരിച്ചവരുടെ കുടുംബത്തിന് പ്രഖ്യാപിച്ചിട്ടുണ്ട്.
Post Your Comments