ബന്ത: വിദ്യാർത്ഥിയെ മർദ്ദിച്ച് കൊലപ്പെടുത്തിയ കേസിൽ സ്വകാര്യ സ്കൂൾ അധ്യാപകൻ അറസ്റ്റിൽ. ഉത്തർപ്രദേശിലെ ബന്ത ജില്ലയിലെ സദ്ദിമടാൻപുട്ട് ഗ്രാമത്തിൽ ചൊവ്വാഴ്ച്ചയാണ് സംഭവം. അർബജ് എന്ന വിദ്യാർത്ഥിയെ കൊലപ്പെടുത്തിയ കേസിൽ അധ്യാപകനായ ജയ്‍രാജാണ് അറസ്റ്റിലായത്.
ചൊവാഴ്ച്ച ക്ലാസ്സ് എടുത്തുകൊണ്ടിരിക്കുന്ന സമയത്താണ് ജയ്‍രാജ് അർബജിനെ മർദ്ദനത്തിന് ഇരയാക്കുന്നത്. തുടർന്ന് ബോധരഹിതനായ അർബജിനെ അടുത്തുള്ള ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചിരുന്നു. വിദ്യാർത്ഥിയുടെ രക്ഷിതാക്കൾ നൽകിയ പരാതിയെ തുടർന്നാണ് അധ്യാപകനെ അറസ്റ്റ് ചെയ്തത്. ഇയാൾക്കെതിരെ കേസെടുത്ത് അന്വേഷണം ആരംഭിച്ചു.
Post Your Comments