പന്നി കട്ടക്കൊമ്പന്‍ വിഴിഞ്ഞം തുറമുഖത്ത്

വിഴിഞ്ഞം: പന്നി കട്ടക്കൊമ്പന്‍ വിഴിഞ്ഞം മീന്‍പിടിത്ത തുറമുഖത്ത്. അപൂര്‍വമായി കിട്ടുന്ന ഈ മത്സ്യം വിഴിഞ്ഞം തുറമുഖത്ത് എത്തിയത് ഏറെ കൗതുകമായി. പേരിന് ഒന്നോ രണ്ടോ എണ്ണം മാത്രമാണ് ഇതുവരെ ലഭിച്ചിട്ടുള്ളത്. എന്നാല്‍ ഇത്തവണ ആയിരത്തോളം കിലോഗ്രാമാണ് ലഭിച്ചത്. ഒന്നിന് 55 മുതല്‍ 60 വരെ കിഗ്രാം തൂക്കമുള്ളതാണ് ഇവിടെ കിട്ടിയത്. മധ്യകേരള ജില്ലകളിലെ മല്‍സ്യക്കമ്പോളങ്ങളില്‍ ഏറെ ഡിമാന്‍ഡുള്ളതാണ് ഈ മീന്‍. പന്നി കട്ട മല്‍സ്യം രുചികളിലും മുമ്പന്‍ തന്നെ. പൂര്‍ണ വളര്‍ച്ചയെത്തുമ്പോള്‍ 500 കിലോ ഗ്രാമിലേറെ വരെ തൂക്കമുണ്ടാകും ഇതിന്.