മുഖ്യമന്ത്രി പിണറായി വിജയനെ വാനോളം പുകഴ്ത്തി ആര്യാ രാജേന്ദ്രനും അദാനിയെ പുകഴ്ത്തി മുഖ്യമന്ത്രിയും

തിരുവനന്തപുരം: മുഖ്യമന്ത്രി പിണറായി വിജയനെ വാനോളം പുകഴ്ത്തി തിരുവനന്തപുരം കോര്‍പ്പറേഷന്‍ മേയര്‍ ആര്യാ രാജേന്ദ്രന്‍.
If determination Was A Person ‘ എന്നാണ് മേയര്‍ പ്രശംസിച്ചിരിക്കുന്നത്. നിശ്ചയദാര്‍ഢ്യം മനുഷ്യരൂപം പൂണ്ടാല്‍ അത് പിണറായി വിജയനായിരിക്കും എന്ന് പ്രശംസിച്ച് ഒരു ഫോട്ടോയാണ് മേയര്‍ പങ്കുവച്ചത്. വിഴിഞ്ഞത്ത് മുഖ്യമന്ത്രി നില്‍ക്കുന്നതാണ് ചിത്രം.

Read Also: പ്രമോദ് കോട്ടൂളിയെ പുറത്താക്കി മുഖം രക്ഷിച്ച് സിപിഎം

ഇന്നലെ രാവിലെയാണ് വിഴിഞ്ഞം തുറമുഖത്ത് ആദ്യത്തെ ചരക്കുകപ്പല്‍ സാന്‍ ഫെര്‍ണാണ്‍ഡോയ്ക്ക് ഔദ്യോഗികമായി സ്വീകരണം നല്‍കിയത്. മുഖ്യമന്ത്രി പിണറായി വിജയനും കേന്ദ്ര തുറമുഖമന്ത്രി സര്‍വാനന്ത സോനോവാളും ചേര്‍ന്ന് മദര്‍ ഷിപ്പിനെ ഔദ്യോഗികമായി സ്വീകരിച്ചു. ആദ്യ മദര്‍ഷിപ്പ് എത്തിയതിന്റെ ശിലാഫലകം മുഖ്യമന്ത്രി അനാച്ഛാദനം ചെയ്തു. കപ്പലിലെ ക്യാപ്റ്റനും ജീവനക്കാര്‍ക്കും മന്ത്രിമാര്‍ ഉപഹാരം നല്‍കി.

പ്രസംഗത്തില്‍ ഒരിക്കല്‍പോലും മുന്‍ മുഖ്യമന്ത്രി ഉമ്മന്‍ ചാണ്ടിയുടെ പേര് പരാമര്‍ശിക്കാതിരുന്ന പിണറായി വിജയന്‍ തന്റെ സര്‍ക്കാരുകളില്‍ തുറമുഖ മന്ത്രിമാരായിരുന്ന കടന്നപ്പള്ളി രാമചന്ദ്രന്റേയും അഹമ്മദ് ദേവര്‍കോവിലിന്റെ പേരെടുത്ത് പറഞ്ഞ് പ്രശംസിച്ചു. അദാനിയെയും വാനോളം പുകഴ്ത്തിയായിരുന്നു പ്രസംഗമത്രയും.