ലക്ഷങ്ങൾ വിലയുള്ള പോത്ത് മോഷണം; യുവാക്കൾ അറസ്റ്റിൽ

പാവറട്ടി: ലക്ഷങ്ങൾ വിലയുള്ള പോത്തിനെ മോഷ്ടിച്ച പ്രതികളെ അറസ്റ്റ് ചെയ്തു. അമ്പലത്തുവീട്ടിൽ നൗഫൽ (25), തൈക്കാട് പെരിയാട്ടിൽ ഷംസുദീൻ (26) എന്നിവരെ പാവറട്ടി പൊലീസ് അറസ്റ്റ് ചെയ്തു.

എസ് എച്ച് ഒ അനിൽകുമാർ ടി മേപ്പള്ളി, എസ് ഐമാരായ പി ബി ബിന്ദുലാൽ, പി ടി ജോസഫ്, എ എസ് ഐ മാരായ കെ സുനിൽ, ആന്‍റോ പ്രിൻസ്, സി പി ഒ മാരായ നിഷാദ്, ഷിജു എന്നിവരുടെ നേതൃത്വത്തിലാണ് അറസ്റ്റ്.

പുതുമന ശേരി മങ്കടത്ത് വീട്ടിൽ ഹമീദിന്റ ഉടമസ്ഥതയിലുള്ള 3 പോത്തിനെ ഈ മാസം 9 ന് വൈകീട്ടാണ് മോഷണം പോയത്. 100 കിലോ തൂക്കം വരുന്ന പോത്തിന് മാർക്കറ്റിൽ ഒരു ലക്ഷം വില വരും.

പോത്തിൽ ഒന്നിനെ ചിറ്റാട്ടുക്കരക്ക് സമീപമുള്ള സ്ഥലത്ത് വെച്ച് അക്ബർ എന്ന വ്യക്തിക്ക് വിറ്റ് വരുമ്പോഴാണ് പ്രതികളെ അറസ്റ്റ് ചെയ്തതെന്ന് പൊലീസ് പറയുന്നു. ഇവരെ കോടതിയിൽ ഹാജരാക്കി.