ചാലക്കുടി : അതിശക്തമായ മിന്നലില്‍ പടിഞ്ഞാറെ ചാലക്കുടി മൂഞ്ഞേലി റേഷന്‍ കട സ്റ്റോപ്പിനു സമീപം ടാര്‍ റോഡില്‍ വിള്ളല്‍ രൂപപ്പെട്ടു. ഏതാനും വീടുകള്‍ക്കു സമീപം പറമ്പില്‍ കുഴികളുണ്ടായി. രണ്ടു വൈദ്യുത പോസ്റ്റുകള്‍ക്കരികിലും കുഴികള്‍ രൂപപ്പെട്ടു. രാത്രി എട്ടോടെയാണു സംഭവം. വടക്കുംചേരി ജോണ്‍സന്റെ വീടിനോടു ചേര്‍ന്നു പറമ്പില്‍ കുഴി രൂപപ്പെട്ടു.
മൊബൈല്‍ ഫോണ്‍ ചാര്‍ജ് ചെയ്യുന്നതിനിടെ ജോണ്‍സന്റെ കയ്യിലിരുന്നു ഫോണ്‍ പൊട്ടിത്തെറിച്ചു നേരിയ പൊള്ളലേറ്റു. ആങ്കാരത്ത് രത്‌നാകരന്റെ വീടിന്റെ ജനല്‍ച്ചില്ലുകള്‍ പൊട്ടി. വടക്കുംചേരി ജോസിന്റെ ഷോക്കേസ് തകര്‍ന്നു. മീറ്റര്‍ ബോര്‍ഡ് തകര്‍ന്നു. പല വീടുകളിലും വൈദ്യുതോപകരണങ്ങളും വയറിങ്ങും കത്തിപ്പോയി. പ്രദേശത്ത് വൈദ്യുതി വിതരണം നിലച്ചു.
Post Your Comments