മുംബൈ: ഇന്ത്യൻ ക്രിക്കറ്റ് ടീമിലേക്ക് ആളെ തെരഞ്ഞെടുക്കുന്നത് തന്റെ പണിയല്ലെന്ന് വ്യക്തമാക്കി നായകൻ വിരാട് കോഹ്ലി. കരുണ്‍ നായരെ വെസ്റ്റ് ഇന്‍ഡീസിനെതിരായ ടെസ്റ്റ് ടീമില്‍ നിന്ന് ഒഴിവാക്കിയതിനെക്കുറിച്ചുള്ള ചോദ്യങ്ങൾക്ക് മറുപടി പറയുകയായിരുന്നു കോഹ്ലി.
തന്റെ ജോലി സെലക്ഷനല്ലെന്നും, ഒരു ടീമെന്ന നിലയില്‍ തങ്ങള്‍ക്കായി ചുമതലപ്പെടുത്തിയിട്ടുള്ള കാര്യങ്ങള്‍ തങ്ങള്‍ ചെയ്യുന്നുവെന്നും, തങ്ങളുടെ ജോലിയെന്തെന്ന് നല്ല ബോധ്യമുണ്ടെന്നുമായിരുന്നു കോഹ്‌ലിയുടെ മറുപടി. കരുൺ നായരെ ടീമിൽ നിന്ന് ഒഴിവാക്കിയതിനെക്കുറിച്ച് സെലക്ടര്‍മാര്‍ ഇതിനോടകം പറഞ്ഞു കഴിഞ്ഞതാണ്. അവര്‍ അവരുടെ ജോലി ചെയ്യുന്നു. ഇക്കാര്യത്തില്‍ താനെന്തെങ്കിലും പറയണമെന്ന് തോന്നുന്നില്ലെന്നും കോഹ്ലി കൂട്ടിച്ചേർത്തു.
Post Your Comments