ഭുവനേശ്വര്‍: ഒഡീഷയിലെ കോളേജ് കെട്ടിടത്തില്‍ നിന്നും 18 പാമ്പിന്‍ കുഞ്ഞുങ്ങളെ പിടികൂടി. പാമ്പുകളെ പിടിക്കുന്ന ദൃശ്യങ്ങള്‍ സോഷ്യല്‍മീഡിയയില്‍ വൈറലായി. ബഡാര്‍ക്കിലുളള സഹീദ് മെമ്മോറിയാല്‍ ജൂനിയര്‍ കൊളേജിലാണ് സംഭവം. കെട്ടിടത്തില്‍ പാമ്പുകളുടെ ശല്യം ശ്രദ്ധയില്‍ പെട്ട കുട്ടികള്‍ ജില്ലാ സ്‌നേക്ക് ഹെല്‍പ്പലൈനിനെ വിവരം അറിയിക്കുകയായിരുന്നു. തുടര്‍ന്ന് പ്രദേശത്തെ പാമ്പ് പിടുത്തക്കാരനായ മിശ്ര ആരിഫ് സ്ഥലത്തെത്തി. കെട്ടിടത്തിന്റെ വിടവിനുളളില്‍ നിന്നും 18 പാമ്പിന്‍ കുഞ്ഞുങ്ങളെ പിടികൂടുകയായിരുന്നു. പിടികൂടിയ പാമ്പുകളെ വനം വകുപ്പ് അധികൃതര്‍ക്ക് കൈമാറി. പാമ്പുപിടിത്തം കാണാന്‍ നിരവധിയാളുകളും തടിച്ച് കൂടിയിരുന്നു.
Post Your Comments