മഡഗാസ്കർ: യുഎസ് നയതന്ത്ര ഉദ്യോഗസ്ഥന് മരിച്ചനിലയിൽ. ആഫ്രിക്കയുടെ തെക്കുകിഴക്കൻ തീരത്ത് സ്ഥിതി ചെയ്യുന്ന ദ്വീപ് രാഷ്ട്രമായ മഡഗാസ്കറിൽ സ്വന്തം വസതിയിലാണ് വിദേശകാര്യ സർവീസ് ഓഫീസറെ വെള്ളിയാഴ്ച മരിച്ച നിലയിൽ കണ്ടെത്തിയതെന്ന് യുഎസ് സ്റ്റേറ്റ് ഡിപ്പാർട്ട്മെന്‍റ് പത്രക്കുറിപ്പിലൂടെ അറിയിച്ചു. എന്നാൽ പേരുവിവരങ്ങൾ പുറത്തുവിട്ടിട്ടില്ല.സംഭവത്തിൽ യുഎസും മഡഗാസ്കറും അന്വേഷണം നടത്തുന്നുണ്ടെന്നും മരണവുമായി ബന്ധപ്പെട്ട് ഒരാളെ കസ്റ്റഡിയിൽ എടുത്തിട്ടുണ്ടെന്നും പത്രക്കുറിപ്പിൽ പറയുന്നു. മരിച്ച ഉദ്യോഗസ്ഥന്റെ വീടിന്‍റെ മതിൽ ചാടിക്കടക്കാൻ ശ്രമിച്ചയാളാണ് പിടിയിലായതെന്നു സൂചന. കൂടുതൽ വിവരങ്ങൾ അറിവായിട്ടില്ല.
Post Your Comments