മുംബൈ : ഇന്ത്യയുടെയും പാക്കിസ്ഥാന്റെ ആരാധകര്‍ക്ക് സന്തോഷ വാര്‍ത്തയുമായി ഐസിസി. 2021-2023 കാലയളവില്‍ ഇന്ത്യയും പാക്കിസ്ഥാനും തമ്മിലുള്ള ടെസ്റ്റ് പരമ്പര ഉണ്ടാകുമെന്ന് ഐസിസി ഉറപ്പുനല്‍കിയതായി പാക്ക് ക്രിക്കറ്റ് ബോര്‍ഡ് ചെയര്‍മാന്‍ എഹ്സാന്‍ മാനി പറഞ്ഞു. ലോക ടെസ്റ്റ് ചാമ്പ്യന്‍ഷിപ്പുമായി ബന്ധപ്പെട്ട് ഇന്ത്യാ പാക്ക് പരമ്പര നടക്കുമെന്നാണ് ഐസിസി പാക്ക് ക്രിക്കറ്റ് ബോര്‍ഡിന് ഉറപ്പ് നല്‍കിയിരിക്കുന്നത്.
2019ലാണ് നാലുവര്‍ഷം നീണ്ടു നില്‍ക്കുന്ന ലോക ടെസ്റ്റ് ചാമ്പ്യന്‍ഷിപ്പ് തുടങ്ങുന്നത്. ടെസ്റ്റ് കളിക്കുന്ന എല്ലാ രാജ്യങ്ങളും പരസ്പരം ഏറ്റുമുട്ടുന്ന രീതിയിലാണ് ഐസിസി ടൂര്‍ണമെന്റിന്റെ മത്സരക്രമം തയാറാക്കിയിരിക്കുന്നത്. എന്നാല്‍ 2019 മുതല്‍ 2021വരെയുള്ള ആദ്യഘട്ടത്തില്‍ ഇന്ത്യാപാക്ക് പരമ്പര ഉണ്ടാവില്ല.
Post Your Comments