ഐഎസ്എൽ മത്സരങ്ങള്‍ക്കുള്ള കേരള ബ്ലാസ്റ്റേഴ്സിന്റെ ടിക്കറ്റ് നിരക്കുകള്‍ പ്രഖ്യാപിച്ചു

കൊച്ചി: ഐഎസ്എൽ കേരള ബ്ലാസ്റ്റേഴ്സിന്റെ മത്സരങ്ങൾക്കായുള്ള ടിക്കറ്റ് നിരക്കുകള്‍ പ്രഖ്യാപിച്ചു. 199 രൂപ മുതല്‍ 1250 നിരക്കിലുള്ള ടിക്കറ്റുകളുടെ വില്‍പ്പനയാണ് ഇപ്പോള്‍ ആരംഭിച്ചിരിക്കുന്നത്. സൗത്ത് ഗാലറിയിലും നോര്‍ത്ത് ഗാലറിയിലുമാണ് 199 രൂപയുടെ ടിക്കറ്റുകള്‍. വി.ഐ.പി ടിക്കറ്റുകള്‍ക്ക് 1250 രൂപയാണ് നിശ്ചയിച്ചിരിക്കുന്നത്. വെസ്റ്റ് ഗാലറിയിലും ഈസ്റ്റ് ഗാലറിയിലും 249 രൂപയാണ് ടിക്കറ്റ് നിരക്ക്. ഇതിനെല്ലാം പുറമെ 449 രൂപയുടെ ടിക്കറ്റുകളും ലഭ്യമാണ്. കേരള ബ്ലാസ്റ്റേഴ്സിന്റെ 6 മത്സരങ്ങള്‍ക്കുള്ള ടിക്കറ്റുകൾക്കാണ് ഇപ്പോള്‍ വില്പനയാരംഭിച്ചിരിക്കുന്നത്.