ക്രൊയേഷ്യക്കെതിരെ ഗോൾ മഴ തീർത്ത് സ്പെയിൻ

എൽഷേ : യുവേഫ നേ​ഷ​ന്‍​സ് ക​പ്പ് ലീ​ഗ് എ​യി​ലെ ഗ്രൂപ്പ് ഘട്ട മത്സരത്തിൽ റഷ്യൻ ലോകകപ്പ് ഫൈനലിസ്റ്റുകളായ ക്രൊയേഷ്യയയെ തകർത്ത് സ്പെയിൻ. എതിരില്ലാത്ത 6 ഗോളുകൾക്ക് ആണ് ക്രൊയേഷ്യ സ്പെയിനോട് തോറ്റത്. സൂപ്പർതാരങ്ങളായ ലുക്കാ മോഡ്രിച്ചും , റാ​കി​റ്റി​ച്ച് അടക്കം ഉണ്ടായിട്ടും അവരുടെ ചരിത്രത്തിലെ ഏറ്റവും നാണംകെട്ട തോൽവിയാണു അവർ ഏറ്റുവാങ്ങിയത്.

ഇരുപത്തിനാലാം മിനിറ്റിലാണ് സ്പെയിൻ തങ്ങളുടെ ഗോൾ മഴക്ക് തുടക്കം കുറിച്ചത്. സൗ​ള്‍ നി​ഗ്വ​സ് ക്രൊ​യേ​ഷ്യ​യു​ടെ വ​ല കു​ലു​ക്കി. മാ​ര്‍​ക്കോ അ​സെ​ന്‍​സി​യോടെ ഗോളിനോപ്പം ക്രൊയേഷ്യ ഒരു സെൽഫ് ഗോൾ നൽകിയതോടെ ആദ്യപകുതി 3-0 ത്തിൽ അവസാനിച്ചു.

ര​ണ്ടാം പ​കു​തി​യി​ല്‍ റോ​ഡ്രി​ഗോ മോ​റെ​ന്‍​സോയിലൂടെ സ്പെയിൻ നാലാം ഗോൾ നേടി. ക്യാപ്റ്റൻ സെർജിയോ റാമോസ് 57 ആം മിനിട്ടിലും എസ്‌കോ 70 ആം മിനിട്ടിലും വല കുലുക്കിയതോടെ ക്രൊയേഷ്യയുടെ പരാജയം ഏതാണ്ട് ഉറാപ്പിയി കഴിഞ്ഞിരുന്നു. പു​തി​യ പ​രി​ശീ​ല​ക​ന്‍ ലൂ​യി​സ് എ​ന്‍ റി​ക്വെ​യു​ടെ കീ​ഴി​ല്‍ സ്പെ​യി​ന്‍റെ തു​ട​ര്‍​ച്ച​യാ​യ ര​ണ്ടാം ജ​യ​മാ​ണി​ത്.