ഭാഗ്യം ഇങ്ങനെയും: ദുബായ് റാഫിളില്‍ 7 കോടിയിലേറെ രൂപ സ്വന്തമാക്കി പത്ത് പ്രവസികള്‍

ദുബായ്•ദുബായ് റാഫിളില്‍ 1 മില്യണ്‍ (ഏകദേശം 7.27 കോടി ഇന്ത്യന്‍ രൂപ) ഡോളര്‍ സ്വന്തമാക്കി ദുബായ് കമ്പനിയിലെ പത്ത് സഹപ്രവര്‍ത്തകര്‍.

ഗുര്‍മീത് സിംഗ് എന്ന 38 കാരനായ പ്രവാസി വാങ്ങിയ 280 ാം സീരീസിലെ ടിക്കറ്റ് നമ്പര്‍ 1197 നാണ് ഇത്തവണത്തെ ഒന്നാം സമ്മാനം ലഭിച്ചത്. ഒരു ഷോറൂം മാനേജരായി ജോലി നോക്കുന്ന സിംഗും 9 മറ്റു സഹപ്രവര്‍ത്തകരും (ഇന്ത്യക്കാരും, ബംഗ്ലാദേഷികളും, ഫിലിപ്പിനോകളും) ചേര്‍ന്നാണ് ടിക്കറ്റ് വാങ്ങുന്നതിനുള്ള പണം കണ്ടെത്തിയത്. വിജയിക്കുകയാണെങ്കില്‍ സമ്മാനം തുല്യമായി പങ്കുവയ്ക്കാനും എല്ലാവരും സമ്മതിച്ചിരുന്നു.

നറുക്കെടുപ്പിന് ശേഷം കഴിഞ്ഞ വിജയിയ്ക്ക് സമ്മാനം കൈമാറുന്ന ചടങ്ങും സംഘടിപ്പിച്ചിരുന്നു. ആന്റോണി ലബകി എന്ന ലബനീസ് പൗരനായിരുന്നു 279 ാം സീരീസിലെ വിജയി. ഇദ്ദേഹം 2004 ല്‍ ഒരു ബി.എം. ഡബ്ല്യൂ കാറും വിജയിച്ചിരുന്നു.