ലിവർപൂൾ ഗോളി ലോറിസ് കാരിയസ് ക്ലബ്ബ് വിട്ടു

ഇസ്താംബുൾ : ലിവർപൂൾ ഗോൾകീപ്പർ ലോറിസ് കാരിയസ് ക്ലബ്ബ് വിട്ട് ടർക്കിഷ് ക്ലബായ ബെസിക്റ്റസിൽ ചേർന്നു. രണ്ട് വർഷത്തെ ലോൺ അടിസ്ഥാനത്തിലാണ് കരാർ. ബെസിക്റ്റാസിൽ ചേരുന്നതിനായി കാരിയസ് ശനിയാഴ്ച ഇസ്താംബുളിൽ എത്തിയതായാണ് റിപ്പോർട്ട്.

ബ്രസീലിയൻ ഗോൾകീപ്പർ അലിസൻ ബക്കർ ടീമിൽ എത്തിയതോടെയാണ് കാരിയസ് ബെസിക്റ്റസിൽ ചേർന്നത്. കാരിയസിന്റെ 2018-19ലെ ശേഷിക്കുന്ന മാച്ചുകളും 2019-20ലെ മുഴുവൻ മാച്ചുകളും സൂപ്പർ ലിഗിന് ഒപ്പമായിരിക്കും.

Read also:ഏഷ്യൻ ഗെയിംസിൽ വീണ്ടും സ്വർണ്ണം സ്വന്തമാക്കി ഇന്ത്യ

ചാമ്പ്യൻസ് ലീഗ് ഫൈനലിൽ വരുത്തിയ പിഴവുകളുടെ പേരിൽ ഏറെ പഴി കേട്ട താരമാണ്‌ കാരിയസ്. 2016 ൽ ലിവർപൂളിൽ എത്തിയ താരം ക്ലബ്ബിനായി 49 മത്സരങ്ങൾ കളിച്ചിട്ടുണ്ട്.