20കാരിയെ കാമുകനും വീട്ടുകാരും തീകൊളുത്തി കൊന്നു

ഒഡീഷ: 20കാരിയെ കാമുകനും വീട്ടുകാരും തീകൊളുത്തി കൊലപ്പെടുത്തി. പെൺകുട്ടിയെ കാമുകന്റെ വീടിനുമുന്നിൽ ശരീരം മുഴുവൻ തീ പടർന്ന നിലയിലാണ് നാട്ടുകാർ കണ്ടത്. ഉടൻ തന്നെ പെകുട്ടിയെ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. കഴിഞ്ഞ ദിവസം ഒഡീഷയിലെ റൂർക്കേലയിലായിരുന്നു സംഭവം.

ALSO READ: ഭാര്യയെ തീകൊളുത്തിയ ശേഷം ഭര്‍ത്താവ് ആത്മഹത്യ ചെയ്തു ; ഭാര്യ രക്ഷപ്പെട്ടു

പെൺകുട്ടിയും യുവാവുമായി കഴിഞ്ഞ രണ്ട് വർഷമായി പ്രണയബന്ധത്തിലായിരുന്നു. ഇവരുടെ ഇഷ്ടപ്രകാരം വീട്ടുകാർ വിവാഹത്തിനും സമ്മതിച്ചിരുന്നു. എന്നാൽ കുറച്ചു ദിവസമായി യുവാവ് പെൺകുട്ടിയെ ഒഴിവാക്കാൻ ശ്രമിച്ചിരുന്നതായും, വിവാഹത്തിന് എതിർപ്പ് പ്രകടിപ്പിച്ചതായും പെൺകുട്ടിയുടെ വീട്ടുകാർ പറഞ്ഞു. സംഭവത്തിൽ യുവാവിനും വീട്ടുകാർക്കുമെതിരെ പെൺകുട്ടിയുടെ മാതാപിതാക്കൾ പോലീസിൽ പരാതി നൽകി.