കൊട്ടിയൂര്‍•കൊട്ടിയൂരിലെ ദുരിതാശ്വാസ ക്യാംപിലുണ്ടായ ഡി.വൈ.എഫ്.ഐ – എസ്.ഡി.പി.ഐ സംഘര്‍ഷത്തില്‍ രണ്ടുപേര്‍ക്ക് പരിക്കേറ്റു. ഡി.വൈ.എഫ്.ഐ പ്രവര്‍ത്തകരായ അഭിലാഷ് (25), വൈശാഖ് (23) എന്നിവര്‍ക്കാണ് പരിക്കേറ്റത്. ഇവരെ കണ്ണൂര്‍ എ.കെ.ജി ആശുപത്രിയില്‍ പ്രവേശിപ്പിച്ചു.
ഐ.ജെ.എം ഹയര്‍സെക്കന്‍ഡറി സ്കൂളില്‍ പ്രവര്‍ത്തിക്കുന്ന ദുരിതാശ്വാസ ക്യാംപിലാണ് സംഘര്‍ഷമുണ്ടായത്. വൈകിട്ട് അറര മണിയോടെ ക്യാംപ് സന്ദര്‍ശിക്കാനെത്തിയ എസ്.ഡി.പി.ഐക്കാരും അവിടെയുണ്ടായിരുന്ന ഡി.വൈ.എഫ്.ഐക്കാരും തമ്മിലുണ്ടായ വാക്കേറ്റം ഏറ്റുമുട്ടലില്‍ കലാശിക്കുകയായിരുന്നു. കല്ലേറുമുണ്ടായി. സ്‌കൂള്‍ പരിസരത്തുണ്ടായിരുന്ന രണ്ടു കാറുകള്‍ തകര്‍ത്തു.
സംഘര്‍ഷത്തെത്തുടര്‍ന്ന് കേളകം, പേരാവൂര്‍ സ്റ്റേഷനുകളില്‍ നിന്ന് പോലീസ് സംഘത്തെ സ്ഥലത്ത് വിന്യസിച്ചിട്ടുണ്ട്.
Post Your Comments