‘നസ്രിയ, ചിത്ര ചേച്ചിയോ ജാനകിയമ്മയോ അല്ലല്ലോ’; വിമർശനങ്ങൾക്കെതിരെ നസ്രിയ ആരാധികയുടെ കുറിപ്പ് ഇങ്ങനെ

നസ്രിയ ആലപിച്ച ‘പുതിയൊരു പാതയിൽ’ എന്ന ഗാനം സാമൂഹ്യമാധ്യമങ്ങളിലെ ചർച്ചാ വിഷയമായിക്കഴിഞ്ഞു. ഫഹദ് ഫാസിൽ നായകനാകുന്ന ‘വരത്തൻ’ എന്ന ചിത്രത്തിലെ ഗാനമാണ് നസ്രിയ പാടിയിരിക്കുന്നത്. നസ്രിയയുടെ പാട്ടിനെ അനുകൂലിക്കുന്നവരുണ്ടെങ്കിലും വിമർശകരാണ് ഏറെയും. നസ്രിയ പാടുന്നത് മൂക്കു കൊണ്ടാണെന്ന് ഇവരുടെ പക്ഷം.

ALSO READ: പുതിയ ചിത്രത്തിൽ നസ്രിയയും ഫഹദും ഒന്നിക്കുന്നത് സിനിമയ്ക്ക് പുറത്ത്

ഇതിനിടെയാണ് ഒരു കട്ട നസ്രിയ ആരാധികയുടെ രോദനം എന്ന ഹാഷ്ടാഗിലൂട സ്മിത സുനീതിന്റെ കമൻറ്.
നസ്രിയ വലിയ ഗായികയൊന്നുമല്ല എങ്കിലും പാടുന്ന ഒരാളാണ്. എല്ലാവരും നസ്രിയ പാടിയ ലാലാ ലസ എന്ന ഗാനം പാടിക്കൊണ്ട് നടന്ന ഒരു കാലമുണ്ടായിരുന്നു. നസ്രിയ, ചിത്ര ചേച്ചിയോ ജാനകിയമ്മയോ അല്ലല്ലോ. നെഗറ്റീവ് കമന്റ് ഇട്ട എല്ലാവരും നസ്രിയയുടെ പണ്ടത്തെ അഭിമുഖങ്ങളിൽ പാടുന്നത് ഒന്ന് കേട്ട് നോക്ക് എന്ന് സ്മിത യുട്യൂബ് കമന്റ് ബോക്സിൽ പറയുന്നു.