ജയ്‌പൂർ : മേൽക്കൂരയുടെ മുകളിലിരുന്ന് ട്രാക്ടർ മത്സരം കാണുന്നതിനിടെ മേൽക്കൂര തകർന്നുവീണു. സംഭവത്തിൽ 17 പേർക്ക് പരിക്കേറ്റു ഏഴുപേരുടെ നില ഗുരുതരമാണ്.രാജസ്ഥാനിലെ ശ്രീ ഗംഗാനഗർ ജില്ലയിലാണ് സംഭവം.
ടിൻ ഷെഡിന്റെ മുകളിലേക്ക് നൂറുകണക്കിന് ആളുകളാണ് മത്സരം കാണാനായി കയറിയത്. ഭാരം കൂടിയതോടെ ഷീറ്റ് വീഴുകയായിരുന്നു. ഷെഡിനു താഴെ നിന്നവരാണ് പരിക്കേറ്റവരിൽ കൂടുതൽ ആളുകളും. പരിക്കേറ്റവരെ ഉടനെ ശ്രീ ഗംഗാനഗറിലെ സർക്കാർ ആശുപത്രിയിൽ പ്രവേശിപ്പിച്ചു.
Read also:വീട്ടില്‍കയറി പെണ്‍കുട്ടിയെ പീഡിപ്പിച്ച 19 കാരന്‍ പിടിയില്‍
ആർക്കും മരണം സംഭവിച്ചിട്ടില്ല . അതേസമയം, മത്സരം നടത്താൻ സംഘാടകർ സർക്കാരിൽനിന്നും അനുമതി തേടിയിരുന്നില്ലെന്ന് പോലീസ് ഉദ്യോഗസ്ഥർ അറിയിച്ചു. പാഡപുർ മേഖലയിലെ ആനാസ് മന്ദിവിൽവച്ചാണ് ട്രാക്ടർ മത്സരം നടന്നത്. എല്ലാ വർഷവും മുടങ്ങാതെ നടക്കുന്ന ആഘോഷങ്ങളിൽ ഒന്നാണ് ഇത്.
Post Your Comments