ലണ്ടന്‍: വിരാട് കോഹ്ലി കള്ളം പറയുന്നെന്ന ആരോപണവുമായി ഇംഗ്ലീഷ് ബൗളര്‍ ജെയിംസ് ആന്‍ഡേഴ്‌സണ്‍. ഇംഗ്ലണ്ടില്‍ തനിക്ക് ഫോം കണ്ടെത്താന്‍ കഴിഞ്ഞില്ലെങ്കിലും ഇന്ത്യ ജയിക്കുകയാണെങ്കില്‍ വിഷമമുണ്ടാകില്ലെന്ന കോഹ്‌ലിയുടെ അഭിപ്രായത്തെ എതിര്‍ത്താണ് ആന്‍ഡേഴ്‌സണ്‍ രംഗത്തെത്തിയിരിക്കുന്നത്. ഇംഗ്ലണ്ടില്‍ റണ്‍സ് നേടാന്‍ കഴിഞ്ഞില്ലെങ്കില്‍ വിരാട് നിരാശപ്പെടുമെന്നും ക്യാപ്റ്റനെന്ന നിലയിലും ലോകത്തിലെ മികച്ച കളിക്കാരില്‍ ഒരാളെന്ന നിലയിലും വിരാട് തന്റെ ബാറ്റിംഗ് പ്രകടനത്തില്‍ പ്രതീക്ഷ പുലര്‍ത്തുന്നുണ്ടെന്നും അതുകൊണ്ടുതന്നെ കോഹ്ലി കള്ളം പറയുകയാണെന്നും അദ്ദേഹം പറയുകയുണ്ടായി. ഇത്തവണ കോഹ്‌ലിക്കെതിരായ പോരാട്ടം കടുത്തതാകുമെന്നും തന്റെ ബലഹീനതകള്‍ തിരിച്ചറിഞ്ഞ് വിരാട് അത് തിരുത്തിയാകും വരികയെന്ന് കരുതുന്നതായും ആന്‍ഡേഴ്‌സണ്‍ വ്യക്തമാക്കി.
Read also: ഏഴുവർഷങ്ങൾക്ക് ശേഷം വിരാട് കോഹ്ലി സ്റ്റമ്പിങ്ങിലൂടെ പുറത്തായി
Post Your Comments