പത്തനംതിട്ട: തന്നെ യൂട്യൂബ് വിഡിയോയിലൂടെ അപമാനിച്ചെന്ന് ആരോപിച്ച് വൈദികനെതിരെ വീട്ടമ്മയുടെ പരാതി. വൈദികരുടെ ലൈംഗിക പീഡനത്തിനിരയായ വീട്ടമ്മയാണ് കേസിലെ ഒന്നാം പ്രതിയായ ഫാ. എബ്രഹാം വര്‍ഗീസിനെതിരെ പരാതി നൽകിയിരിക്കുന്നത്. ഒരു മാസമായി ഒാര്‍ത്തഡോക്സ് വൈദികരുമായി ബന്ധപ്പെട്ട അപവാദങ്ങളെ സംബന്ധിച്ച വിശദീകരണമാണ് ഇവിടെ നല്‍കുന്നത് എന്ന് പറഞ്ഞ് ആരംഭിക്കുന്ന വീഡിയോയിൽ വീട്ടമ്മക്ക് സ്വഭാവദൂഷ്യമുണ്ടെന്നും താന്‍ ഒളിവിലല്ലെന്നും തുടങ്ങിയ കാര്യങ്ങളാണ് ഫാ. എബ്രഹാം വര്‍ഗീസ് പറയുന്നത്.
പരാതിയില്‍ പറഞ്ഞിരിക്കുന്ന ആരോപണങ്ങള്‍ തീര്‍ത്തും അടിസ്ഥാന രഹിതമാണ്. മാധ്യമങ്ങളില്‍ വൈദികന്‍ ഒളിവിലാണ് എന്നും മറ്റുമുള്ള തീര്‍ത്തും അടിസ്ഥാനരഹിതമായ കാര്യങ്ങളാണെന്നും ഫാ. എബ്രഹാം വര്‍ഗീസ് പറയുകയുണ്ടായി. തുടർന്ന് വീട്ടമ്മക്ക് സ്വഭാവദൂഷ്യമുണ്ടെന്നും മറ്റുമുള്ള പരാമര്‍ശങ്ങള്‍ നടത്തുകയുണ്ടായി. ഇതിനെതിരെ വീട്ടമ്മ പരാതി നൽകിയിരിക്കുന്നത്.
Post Your Comments