മു​ൻ മു​ഖ്യ​മ​ന്ത്രി​യെ ലക്ഷ്യമിട്ട് നടത്തിയ ബോം​ബാ​ക്ര​മ​ണത്തിൽ നാ​ല് പേ​ർ കൊ​ല്ല​പ്പെ​ട്ടു

ഇ​സ്ലാ​മാ​ബാ​ദ്: മു​ൻ മു​ഖ്യ​മ​ന്ത്രി​യെ ലക്ഷ്യമിട്ട് നടത്തിയ ബോം​ബാ​ക്ര​മ​ണത്തിൽ നാ​ല് പേ​ർ കൊ​ല്ല​പ്പെ​ട്ടു. പാ​ക്കി​സ്ഥാ​നി​ൽ ഖൈ​ബ​ർ പ​ക്തൂ​ൻ​ഖാ​വ പ്ര​വി​ശ്യ​യി​ൽ വെ​ള്ളി​യാ​ഴ്ച​ മു​ൻ മു​ഖ്യ​മ​ന്ത്രി അ​ക്രം ഖാ​ൻ ദു​റാ​ണി​യെ ല​ക്ഷ്യ​മി​ട്ടായിരുന്നു ഭീ​ക​ര​രുടെ ബോംബാക്രമണം. 32 പേ​ർ​ക്ക് പ​രി​ക്കേ​റ്റു. ഇവ​രെ ബാ​നു ജി​ല്ലാ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

വ​ട​ക്ക​ൻ വ​സി​റി​സ്ഥാ​നി​ലെ തെ​ര​ഞ്ഞെ​ടു​പ്പ് റാ​ലി​യി​ൽ പ​ങ്കെ​ടു​ത്ത് ദു​റാ​ണി മ​ട​ങ്ങി വ​രു​ന്ന​തി​നി​ടെ​ മോര്‍ട്ട് നിയന്ത്രിത ബോംബ് ഉപയോഗിച്ചായിരുന്നു ആക്രമണം. സം​ഭ​വ​ത്തെ അപലപിച്ച് കൊണ്ട് കാ​വ​ൽ മു​ഖ്യ​മ​ന്ത്രി ദോ​സ്ത് മു​ഹ​മ്മ​ദ് ഖാ​ൻ രംഗത്തെത്തി. ആ​ക്ര​മ​ണ​ത്തി​ന്‍റെ പ​ശ്ചാ​ത്ത​ല​ത്തി​ൽ ഇദ്ദേഹം സ്ഥി​തി​ഗ​തി​ക​ൾ വി​ല​യി​രു​ത്താ​ൻ ഉ​ന്ന​ത ഉ​ദ്യോ​ഗ​സ്ഥ​രു​ടെ അ​ടി​യ​ന്ത​ര​യോ​ഗം വി​ളി​ച്ചു. ജൂ​ലൈ 25ന് ​ന​ട​ക്കാനിരിക്കുന്ന പൊ​തു​തെ​ര​ഞ്ഞെ​ടു​പ്പി​ൽ എ​ൻ​എ-35 മ​ണ്ഡ​ല​ത്തി​ൽ​നി​ന്നാണ് ദു​റാ​ണി മത്സരിക്കുന്നത്.

തെ​ര​ഞ്ഞെ​ടു​പ്പ് പ്ര​ചാ​ര​ണം തു​ട​ങ്ങി​യ​ശേ​ഷം പ്ര​വിശ്യ​യി​ലു​ണ്ടാ​കു​ന്ന മൂ​ന്നാ​മ​ത്തെ വ​ലി​യ ആ​ക്ര​മ​ണ​മാ​ണ് ഇ​ത്. ക​ഴി​ഞ്ഞ ദി​വ​സം അ​വാ​മി നാ​ഷ​ന​ൽ പാ​ർ​ട്ടി​യു​ടെ തെര​ഞ്ഞെ​ടു​പ്പു റാ​ലി​ക്കു നേ​രെ ന​ട​ന്ന താ​ലി​ബാ​ൻ ചാ​വേ​ർ ആ​ക്ര​മ​ണ​ത്തി​ൽ മു​തി​ർ​ന്ന നേ​താ​വും പി​കെ–78 മ​ണ്ഡ​ല​ത്തി​ലെ സ്ഥാ​നാ​ർ​ഥി​യുമാ​യി​രു​ന്ന ഹാ​റൂ​ൺ ബി​ലോ​ർ ഉ​ൾ​പ്പെ​ടെ 20 പേ​ർ കൊ​ല്ല​പ്പെട്ടിരുന്നു.

Also read : ജമ്മുകശ്മീരില്‍ തീവ്രവാദി ആക്രമണം