സ്വർണ്ണത്തിളക്കത്തിൽ ദീപ ക​ര്‍​മാകർ നാട്ടിൽ തിരിച്ചെത്തി

ന്യൂഡല്‍ഹി: ജിം​നാ​സ്​​റ്റി​ക്​​സ്​ വേ​ള്‍​ഡ്​ ച​ല​ഞ്ച്​ ക​പ്പി​ല്‍ സ്വർണം നേടിയ ഇ​ന്ത്യ​യു​ടെ ജിം​നാ​സ്​​റ്റ്​ ദീ​പ ക​ര്‍​മാ​ക​ര്‍ നാട്ടിൽ മടങ്ങിയെത്തി. ലോക ചാലഞ്ച് കപ്പിലെ ദീപയുടെ ആദ്യ സ്വര്‍ണമാണിത്. പരിശീലകന്‍റെയും സ്പോര്‍ട്സ് അതോറിറ്റിയുടെയും പിന്തുണയാണ് മികച്ച പ്രകടനം കാഴ്ചവെക്കാന്‍ സഹായിച്ചതെന്ന് ദീ​പ ക​ര്‍​മാ​ക​ര്‍ മാധ്യമങ്ങളോട് പറഞ്ഞു.

Also Read : ഇന്ത്യയ്ക്ക് സ്വർണം നേടിക്കൊടുത്ത കായിക താരത്തിന് നേരെ ആക്രമണം

തു​ര്‍​ക്കി​യി​ലെ മെ​ര്‍​സി​നി​ല്‍ ന​ട​ന്ന ജിം​നാ​സ്​​റ്റി​ക്​​സ്​ വേ​ള്‍​ഡ്​ ച​ല​ഞ്ച്​ ക​പ്പി​ല്‍ വോ​ള്‍​ട്ട്​ വി​ഭാ​ഗ​ത്തി​ലാണ് ദീ​പ ക​ര്‍​മാ​ക​ര്‍ സ്വർണം കരസ്ഥമാക്കിയത്. 14.150 പോ​യ​ന്‍​റ്​ സ്വന്തമാക്കിയായിരുന്നു ദീ​പ​യു​ടെ സ്വ​ര്‍​ണ​നേ​ട്ടം. 2016 റിയോ ഒളിംപിക്സിൽ ഇതേ വിഭാഗത്തിൽ ദീപ നാലാം സ്ഥാനം നേടിയിരുന്നു. പരിക്കിനെ തുടര്‍ന്ന് രണ്ടു വർഷത്തോളം ദീപയ്ക്ക് മല്‍സര രംഗത്ത് നിന്നും വിട്ടു നിൽക്കേണ്ടി വന്നിരുന്നു.