കൊച്ചി: എറണാകുളം മഹാരാജാസ് കോളജില്‍ നിന്നും തീവ്രവാദ സ്വഭാവമുള്ള ലഘുലേഖകള്‍ കണ്ടെത്തി. കഴിഞ്ഞ ദിവസം എറണാകുളം സെന്‍ട്രല്‍ പൊലീസ് കോളജില്‍ നടത്തിയ തെരച്ചിലിലാണ് ലഘുലേഖകള്‍ കണ്ടെത്തിയത്. വിദ്യാര്‍ത്ഥികളിലൂടെ സംഘടന വളര്‍ത്തണം എന്നതാണ് ലഘുലേഖയില്‍ നല്‍കിയിട്ടുള്ള നിര്‍ദേശം. തീവ്രവാദ സ്വഭാവമുള്ള ലഘുലേഖകള്‍ കണ്ടെത്തിയ സാഹചര്യത്തില്‍ തീവ്രവാദ സ്വഭാവമുള്ള സംഘടനകള്‍ കോളജില്‍ പ്രവര്‍ത്തിച്ചിരുന്നു എന്നാണ് പൊലീസിന് മനസിലാകുന്നത്.
മാത്രമല്ല അഭിമന്യുവിനെ അക്രമിക്കാന്‍ രണ്ട് തവണ ഇത്തരത്തിലുള്ള സംഘടനകള്‍ പദ്ധതിയിട്ടതായും അന്വേഷണ സംഘത്തിന് മനസിലാക്കാന്‍ സാധിച്ചിട്ടുണ്ട്. എതിരാളികളെ വേണ്ടിവന്നാല്‍ കായികമായി നേരിടണമെന്നും വിദ്യാര്‍ത്ഥികള്‍ക്ക് വേണ്ടവിധത്തിലുള്ള സഹായങ്ങള്‍ ചെയ്ത് നല്‍കണമെന്നും അതിലൂടെ മാത്രമോ സംഘടന വളരു എന്നും ലഘുലേഖയില്‍ പരാമര്‍ശം ഉണ്ട്.
കോളേജിൽ കൂടാതെ നോര്‍ത്ത് കേന്ദ്രീകരിച്ച്‌ എസ്ഡിപിഐ തമ്പടിച്ചിരുന്ന വീട്ടിലും അന്വേഷണ സംഘം പരിശോധന നടത്തിയിരുന്നു. ഇവിടെ നിന്നും പൊലീസ് സമാനമായ സമാന സ്വഭാവമുള്ള ലഘുലേഖകള്‍ കണ്ടെടുത്തിട്ടുണ്ട്.
Post Your Comments