ഓസ്‌ട്രേലിയക്കെതിരെ മികച്ച സ്കോർ നേടി പാക്കിസ്ഥാൻ

ഹരാരേ: ഓസ്ട്രേലിയയ്ക്കെിതരെ ടി20 മത്സരത്തില്‍ മികച്ച സ്കോര്‍ നേടി പാക്കിസ്ഥാന്‍. വീണ്ടും മികച്ച ഫോമില്‍ ഓപ്പണർ ഫകര്‍ സമന്‍ ബാറ്റിംഗ് തുടര്‍ന്നപ്പോള്‍ മത്സരത്തിൽ മികച്ച സ്കോർ കണ്ടെത്താൻ പാകിസ്താനായി. മത്സരത്തില്‍ ടോസ് നേടിയ ഓസ്ട്രേലിയന്‍ നായകന്‍ ആരോണ്‍ ഫിഞ്ച് പാകിസ്താനെ ബാറ്റിങ്ങിനയക്കുകയായിരുന്നു. നേരിട്ട ആദ്യ പന്തില്‍ തന്നെ ഹാരിസ് സൊഹൈല്‍ മടങ്ങിയെങ്കിലും ഫകര്‍ സമനും ഹുസൈന്‍ തലത്തും ചേർന്ന് രണ്ടാം വിക്കറ്റില്‍ 72 റണ്‍സ് പാകിസ്താന് നേടിക്കൊടുക്കുകയായിരുന്നു. 42 പന്തില്‍ നിന്ന് 73 റണ്‍സാണ് നേടിയ ശേഷമാണ് ഫക്കർ സമൻ പുറത്തായത്. 3 സിക്സും 9 ബൗണ്ടറിയും അടങ്ങിയതായിരുന്നു ഫക്കറിന്റെ ഇന്നിംഗ്സ്.

അവസാന ഓവറുകളില്‍ തകർത്ത് കളിച്ച ആസിഫ് അലിയുടെ വെടിക്കെട്ട് ബാറ്റിംഗ് കൂടി ചേര്‍ന്നപ്പോള്‍ പാക്കിസ്ഥാന്‍ 7 വിക്കറ്റ് നഷ്ടത്തില്‍ 194 റണ്‍സ് നേടുകയായിരുന്നു. 18 പന്തില്‍ നിന്ന് 37 റണ്‍സുമായി ആസിഫ് അലി പുറത്താകാതെ നിന്നു. ഓസ്‌ട്രേലിയക്ക് വേണ്ടി ആന്‍ഡ്രൂ ടൈ മൂന്നും റിച്ചാര്‍ഡ്സണ്‍ രണ്ടും മാര്‍ക്കസ് സ്റ്റോയിനിസ്, ഗ്ലെന്‍ മാക്സ്വെല്‍ എന്നിവര്‍ ഓരോ വിക്കറ്റും നേടി.

Also read : ഇന്തോനേഷ്യ ഓപ്പൺ : ജൈത്രയാത്ര തുടർന്ന് ഇന്ത്യൻ താരം