അബുദാബി•യു.എ.ഇയില്‍ ഇന്ത്യന്‍ പ്രവാസികളെ ഭാഗ്യദേവത കൈവിടുന്നില്ല. ഇത്തവണത്തെ അബുദാബി റാഫിളില്‍ അബുദാബിയില്‍ താമസിക്കുന്ന ഇന്ത്യന്‍ പ്രവാസി 7 മില്യണ്‍ ദിര്‍ഹം വിജയിച്ചു.
എല്ലാതവണത്തെയും പോലെ ഈ മാസത്തെയും ബിഗ് ടിക്കറ്റ് നറുക്കെടുപ്പില്‍ കൂടുതല്‍ സമ്മാനവും നേടിയിരിക്കുന്നത് മലയാളികള്‍ അടക്കുമുള്ള ഇന്ത്യന്‍ പ്രവസികളാണ്.
075171 എന്ന നമ്പറിലുള്ള ടിക്കറ്റ് വാങ്ങിയ ടോജോ മാത്യൂ ആണ് ബംബര്‍ സമ്മാനമായ 7 മില്യണ്‍ ദിര്‍ഹം (13 കോടിയോളം ഇന്ത്യന്‍ രൂപ) നേടിയത്.
മറ്റുള്ള 7 വിജയികള്‍ 100,000 ദിര്‍ഹം വീതം നേടി. ഇവരില്‍ 5 ഇന്ത്യക്കാരും, ഒരു പാകിസ്ഥാനിയും ഒരു കുവൈത്തിയും ഉള്‍പ്പെടുന്നു.
ഇന്ത്യന്‍ പ്രവാസിയായ ഇഖ്‌ലാഖ് കാമില്‍ ഖുറേഷി ബി.എം.ഡബ്ല്യൂ സീരീസ് 02 കാര്‍ വിജയിച്ചു.
അബുദാബി അന്താരാഷ്ട്ര വിമാനത്താവളത്തിന്റെ അറൈവല്‍ ഹാളില്‍ നടന്ന നറുക്കെടുപ്പിലാണ് വിജയികളെ പ്രഖ്യാപിച്ചത്.
Post Your Comments