പുതിയ വാഹനം വാങ്ങിയാൽ അപകടങ്ങളുണ്ടാകാതിരിക്കാൻ പൂജ ചെയ്യുന്നത് പതിവാണ്. എന്നാൽ കൊതിയോടെ ഒന്ന് ഓടിച്ചു നോക്കാൻ പോലും കഴിയാതെ ആ കാറ് കത്തി നശിച്ചു പോയാൽ എങ്ങനെ സഹിക്കാൻ പറ്റും? അത്തരം ഒരു സംഭവമാണ് ഇപ്പോൾ റിപ്പോർട്ട് ചെയ്യപ്പെടുന്നത്. സംഭവം നടന്നത് കിഴക്കന്‍ ചൈനയിലെ ജിയാങ്‌സു നഗരത്തില്‍.
ആഗ്രഹിച്ചു വാങ്ങിയ ബിഎംഡബ്ല്യു കാറിനെ വീട്ടിലേക്കു കൊണ്ടുവന്നപ്പോള്‍ ചൈനീസ് യുവാവും വാഹനം പൂജ ചെയ്യുന്ന പതിവ് തെറ്റിച്ചില്ല. എന്നാൽ അപ്രതീക്ഷിതമായി വാഹനപൂജയ്ക്കിടെ തീപടര്‍ന്നു, 50 ലക്ഷത്തിന്റെ പുതിയ ബിഎംഡബ്ല്യ കത്തിനശിച്ചു. വീട്ടുകാരോടൊന്നിച്ച്‌ കാറിന് ചുറ്റും പൂജാവസ്തുക്കള്‍ വെച്ചു ആരാധിക്കുന്നതിനിടയില്‍ കാറിന് തീപിടിക്കുകയായിരുന്നു.കത്തിച്ചു വെച്ച വലിയ സാമ്പ്രാണിത്തിരിയില്‍ നിന്നുമാണ് തീപടര്‍ന്നത്.
ബോണറ്റില്‍ വിരിച്ച ചുവന്ന തുണിയില്‍ കയറിപിടിച്ച തീ ഏറെ വൈകാതെ കാര്‍ ചുട്ടുകരിച്ചു. സമീപത്തുണ്ടായിരുന്നവരില്‍ ആരോ സംഭവദൃശ്യങ്ങള്‍ സമൂഹമാധ്യങ്ങളില്‍ പോസ്റ്റ് ചെയ്തതോടെയാണ് കാര്യങ്ങള്‍ പുറംലോകമറിഞ്ഞത്. അഗ്നിശമനസേന നടത്തിയ സമയോചിത ഇടപെടല്‍ കൂടുതല്‍ അപകടം ഒഴിവാക്കി.
Post Your Comments