കൊല്ലം രൂപതയുടെ നിയുക്ത മെത്രാന്‍ മോണ്‍.പോള്‍ ആന്റണി മുല്ലശ്ശേരിയുടെ മെത്രാന്‍ അഭിഷേക തിരുക്കര്‍മ്മങ്ങള്‍ ഇന്ന് നടക്കും

കൊല്ലം: കൊല്ലം രൂപതയുടെ നിയുക്ത മെത്രാന്‍ മോണ്‍.പോള്‍ ആന്റണി മുല്ലശ്ശേരിയുടെ മെത്രാന്‍ അഭിഷേക തിരുക്കര്‍മ്മങ്ങള്‍ ഇന്ന് ഉച്ചയ്ക്ക് 2 മണി മുതല്‍ നടക്കും. കൊല്ലം ഫാത്തിമ മാതാ കോളേജില്‍ നടക്കുന്ന ചടങ്ങില്‍ കൊല്ലം രൂപതാ മെത്രാനും അപ്പോസ്തലിക് അഡ്മിനിസ്ട്രേറ്ററുമായ സ്റ്റാന്‍ലി റോമന്‍ മുഖ്യകാര്‍മ്മികത്വം വഹിക്കും.

കൂടാതെ രൂപതയുടെ നേതൃത്വത്തിലുള്ള അനുമോദന സമ്മേളനം 4ന് വൈകിട്ട് 3ന് തങ്കശേരി ഇന്‍ഫന്റ് ജീസസ് കത്തീഡ്രല്‍ ദേവാലയത്തിലും ഇന്‍ഫന്റ് ജീസസ് സ്‌കൂളിലുമായി നടക്കും. അഭിഷേക തിരുക്കര്‍മ്മങ്ങള്‍ WWW.EASTCOASTDAILY.COM ല്‍ തല്‍സമയം അറിയാന്‍ സാധിക്കും.

സ്‌കൂളില്‍ നടക്കുന്ന സമ്മേളനം മന്ത്രി ജെ.മേഴ്സിക്കുട്ടിഅമ്മ ഉദ്ഘാടനം ചെയ്യും. പുനലൂര്‍ രൂപതാ മെത്രാന്‍ ഡോ.സില്‍വസ്റ്റര്‍ പൊന്നുമുത്തന്‍, കണ്ണൂര്‍ രൂപതാ മെത്രാന്‍ ഡോ. അലക്സ് വടക്കുംതല എന്നിവര്‍ സഹകാര്‍മ്മികരാകും. തൃശൂര്‍ അതിരൂപതാ മെത്രാന്‍ ഡോ. ആന്‍ഡ്രൂസ് താഴത്ത് വചന സന്ദേശം നല്‍കും.