കോട്ടയം : കെവിന്റെ കൊലപാതകവുമായി ബന്ധപെട്ടു രണ്ടു പേർ കൂടി പിടിയിൽ. നിഷാദ്,ഷെഫിൻ എന്നിവരാണ് പിടിയിലായത്. രക്ഷപ്പെടാന്‍ ശ്രമിക്കവേ ഇവരെ പൊലീസ് പിന്തുടര്‍ന്ന് പിടികൂടുകയായിരുന്നു.
സസ്‌പെന്‍ഷനിലായ എഎസ്‌ഐ ബിജുവും പട്രോള്‍ സംഘത്തിലെ ഡ്രൈവറും കെവിന്റെ കൊലപാതകവുമായി ബന്ധപ്പെട്ടു അറസ്റ്റിലായി. ഗുണ്ടാ സംഘത്തിന് ഇവര്‍ പിന്തുണ നല്‍കിയെന്ന വാർത്ത പ്രമുഖ വാർത്താ ചാനൽ തെളിവ് സഹിതം പുറത്തു വിട്ടതോടെയാണ് അറസ്റ്റ്. അതോടൊപ്പം തന്നെ പ്രതികള്‍ സഞ്ചരിച്ച മൂന്നാമത്തെ വാഹനവും കണ്ടെടുത്തു.
കോട്ടയത്തെ രഹസ്യ കേന്ദ്രത്തില്‍ പിടിയിലായ മുഖ്യപ്രതി സാനു ചാക്കോ, പിതാവ് ചാക്കോ, പുനലൂര്‍ സ്വദേശി മനു എന്നിവരെ ചോദ്യം ചെയ്യുകയാണ്. ഇവരെ ഇന്ന് മജിസ്‌ട്രേറ്റിന് മുന്നില്‍ ഹാജരാക്കും.
Post Your Comments