കീവ്: റയല്‍ മാഡ്രിഡിന്റെ കുതിപ്പിന് കടിഞ്ഞാണിടാന്‍ ലിവര്‍പൂളിനായില്ല. 2017-18 സീസണിലെ യുവേഫ ചാമ്പ്യന്‍സ് ലീഗ് കിരീടം റയല്‍ സ്വന്തമാക്കി. ഇംഗ്ലീഷ് ക്ലബ്ബ് ലിവര്‍പൂളിനെ ഒന്നിനെതിരെ മൂന്ന് ഗോളുകള്‍ക്കാണ്‌ സ്പാനിഷ് ക്ലബ്ബായ റയല്‍ മാഡ്രിഡ് തകര്‍ത്തത്.
ഗോള്‍ രഹിതമായിരുന്ന ആദ്യ പകുതിക്ക് ശേഷം 51-ാം മിനിറ്റില്‍ കരീം ബെന്‍സേമ റയലിനായി വലകുലുക്കി. എന്നാല്‍ അധികം വൈകാതെ സാദിയോ മാനെയിലൂചടെ 55-ാം മിനിറ്റില്‍ ലിവര്‍പൂള്‍ ഗോള്‍ മടക്കി. പിന്നീട് 64, 85 മിനിറ്റുകളില്‍ ഗാരെത് ബെയ്ല്‍ ലക്ഷ്യം കണ്ടതോടെ റയല്‍ കിരീടം ഉറപ്പിച്ചു. റയലിന്റെ ഹാട്രിക് ചാമ്പ്യന്‍സ് ലീഗ് കിരീട നേട്ടമാണിത്. മറ്റൊരു ടീമും ചാമ്പ്യന്‍സ് ലീഗില്‍ ഹാട്രിക്ക് നേടിയിട്ടില്ല. ക്ലബ്ബിന്റെ പതിമ്മൂന്നാം കിരീടനേട്ടം കൂടിയാണിത്.
Post Your Comments