കൊച്ചി : ലോഡ്ജില്‍ കയറി റിസെപ്ഷനിസ്റ്റിനെ ആക്രമിച്ച് കവര്‍ച്ച നടത്തിയ 7 അംഗ സംഘം അറസ്റ്റില്‍. കൊച്ചി സെന്‍ട്രല്‍ പോലീസാണ് സ്ത്രീകള്‍ ഉള്‍പ്പെടുന്ന 7 അംഗ സംഘത്തെ അറസ്റ്റ് ചെയ്തത്. പുല്ലേപ്പടിയിലെ മെറിഡിയന്‍ റീജന്‍സി ലോഡ്ജില്‍ അക്രമം നടത്തിയവരെയാണ് പോലീസ് അറസ്റ്റ് ചെയ്തത്. നോര്‍ത്ത് പറവൂര്‍ സ്വദേശികളായ ഇന്ദു , അരുണ്‍, നിതിന്‍, വൈക്കം സ്വദേശിനി ഷൈജി ,ഇടുക്കി സ്വദേശി ആന്റോ ജോസഫ് ,കൊല്ലം സ്വദേശി അല്‍ത്താഫ് കൊടുങ്ങല്ലൂര്‍ സ്വദേശി വിഷ്ണു എന്നിവരാണ് അറസ്റ്റിലായവര്‍.
പുലര്‍ച്ചെ 3 നും 4 നും ഇടയിലാണ് സംഘം അക്രമം അഴിച്ചുവിട്ടത്. സംഘത്തില്‍പ്പെട്ട സ്ത്രീകള്‍ ആദ്യം ലോഡ്ജില്‍ കയറി റിസപ്ഷനില്‍ ഇരുന്ന യുവാവിനോട് റൂമിന്റെ കാര്യങ്ങളെ കുറിച്ചും മറ്റും സംസാരിച്ചു. ഇതിനിടയില്‍ ഒരു സ്ത്രീ ഫോണില്‍ മറ്റു സംഘാംഗങ്ങളെ വിളിച്ചു വരുത്തുകയായിരുന്നു .ഇവര്‍ എത്തുന്നതിനു മുന്‍പ് സ്ത്രീകള്‍ യുവാവിനോട് കയര്‍ത്തു സംസാരിച്ച്‌ ഭീകരാന്തരീക്ഷം സൃഷ്ട്ടിച്ചു .
ഈ സമയം മറ്റുള്ളവര്‍ കത്തിയും ട്യൂബ് ലൈറ്റും കമ്പിവടിയും മറ്റുമായി ഇടിച്ചു അകത്തു കയറി യുവാവിനെ അക്രമിക്കുകയും കയ്യിലുണ്ടായിരുന്ന 17000 രൂപയും മൊബൈല്‍ ഫോണും തട്ടിപറിച്ചെടുക്കുകയും ചെയ്തു. ഈ സമയം കൂടെയുണ്ടായിരുന്ന ജീവനക്കാര്‍ പോലീസിനെ വിവരമറിയിച്ചു. എന്നാല്‍ പ്രതികള്‍ ഓടി രക്ഷപ്പെടുകയായിരുന്നു. പിന്നീട് നടന്ന അന്വേഷണത്തില്‍ പ്രതികള്‍ പോലീസ് പിടിയിലാകുകയായിരുന്നു. എറണാകുളം അസിസ്റ്റന്റ് കമ്മീഷണര്‍ ലാല്‍ജിയുടെ നിര്‍ദ്ദേശപ്രകാരം സെന്‍ട്രല്‍ CI അനന്തലാല്‍ SI ജോസഫ് സാജന്‍ എന്നിവരുടെ നേതൃത്വത്തിലുള്ള സംഘമാണ് ഇവരെ അറസ്റ്റ് ചെയ്തത് .പ്രതികളെ കോടതിയില്‍ ഹാജരാക്കി.
Post Your Comments