ഹൈദരാബാദ്: കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയെ പരിഹസിച്ച് ബിജെപി. രാഹുല്‍ ഗാന്ധി വെറുതെ പകല്‍ സ്വപ്‌നം കാണെണ്ടെന്നും 2024 വരെ രാജ്യത്തെ പ്രധാനമന്ത്രി സീറ്റ് ഒഴിവില്ലെന്നും ബിജെപി പറയുന്നു. അടുത്ത വര്‍ഷം നടക്കുന്ന ലോക്‌സഭാ തെരഞ്ഞെടുപ്പില്‍ കോണ്‍ഗ്രസ് ഏറ്റവും വലിയ ഒറ്റക്കക്ഷിയായാല്‍ പ്രധാനമന്ത്രിപദം ഏറ്റെടുക്കാന്‍ തയാറാറാണെന്ന് രാഹുല്‍ പറഞ്ഞതിനെതിരെയായിരുന്നു ബിജെപിയുടെ പരിഹാസം.
രാഹുല്‍ ഗാന്ധിയെ ഇപ്പോള്‍ പരിഹസിച്ചിരിക്കുന്നത് ബിജെപി നേതാവ് ഷഹനവാസ് ഹുസൈനാണ്. 2024 വരെ പ്രധാന മന്ത്രി പോസ്റ്റില്‍ ഒഴിവില്ല, 2019ലെ ലോക സഭ തെരഞ്ഞെടുപ്പിന് ശേഷം നരേന്ദ്ര മോദി തന്നെ പ്രധാനമന്ത്രിയാകുമെന്നും ഹുസൈന്‍ പറഞ്ഞു.
also read: പ്രവര്‍ത്തന പരിചയമുള്ളവര്‍ക്ക് അവസരം നല്‍കാത്ത രാഹുല്‍ ഗാന്ധി അഹങ്കാരിയെന്ന് മോദി
ഇപ്പോള്‍ രാഹുല്‍ ഗാന്ധി പറയുന്നത് താന്‍ പ്രധാനമന്ത്രിയാകാന്‍ തയ്യാറാണെന്നാണ്. അദ്ദേഹം ദിവാ സ്വപ്‌നം കാണുകയാണ്. താങ്കളുടെ മനോഹര സ്വപ്‌നത്തിന് അഭിനന്ദനങ്ങള്‍. എന്നാല്‍ 2024 വരെ രാജ്യത്തെ പ്രധാനമന്ത്രി പോസ്റ്റില്‍ ഒഴിവില്ല.- ഹുസൈന്‍ പറഞ്ഞു.
രാജ്യ പുരുഷന്‍ നരേന്ദ്ര മോദിയുണ്ട് പ്രധാനമന്ത്രിയായി. 2019 തെരഞ്ഞെടുപ്പിന് ശേഷവും അദ്ദേഹം തന്നെയായിരിക്കും പ്രധാനമന്ത്രി. കോണ്‍ഗ്രസ് നേതാക്കന്മാര്‍ക്കും അതറിയാമെന്നും ഹുസൈന്‍ പരിഹസിച്ചു. രാഹുല്‍ ഗാന്ധിയുടെ പ്രധാനമന്ത്രി സ്വപ്‌നത്തില്‍ കോണ്‍ഗ്രസിനുള്ളില്‍ തന്നെ താത്പര്യമില്ലാത്തവരുണ്ടെന്നും അദ്ദേഹം പറഞ്ഞു.
Post Your Comments