മിന്നും പ്രകടനം തുടരുന്ന ബാഴ്‌സലോണ എഫ്‌സി കോപ്പ ഡെല്‍ റേ കിരീടവും നേടി. സെവിയ്യയെ മറുപടിയില്ലാത്ത അഞ്ച് ഗോളുകള്‍ക്ക് തകര്‍ത്താണ് ബാഴ്‌സ തുടര്‍ച്ചയായ നാലാം വര്‍ഷവും കോപ്പ ഡെല്‍ റേ ചാമ്പ്യന്‍മാരായത്. ലൂയി സുവാരസ് രണ്ട് ഗോളും ലയണല്‍ മെസി, ആന്ദ്രെ ഇനിയസ്റ്റ, ഫിലിപ്പ് കുടീഞ്ഞോ എന്നിവര്‍ ഓരോ ഗോള്‍ വീതവും സ്‌കോര്‍ ചെയ്തു.
ഇതോടെ, ബാഴ്‌സയ്ക്കുവേണ്ടി കളിച്ച എല്ലാ ഫൈനലിലും ഗോള്‍ നേടാന്‍ സുവാരസിനായി. ചാമ്പ്യന്‍സ് ലീഗിന്റേയും, യുവേഫ സൂപ്പര്‍ കപ്പിന്റേയും ഫിഫ ക്ലബ് വേള്‍ഡ് കപ്പിന്റെയും ഫൈനലില്‍ സുവാരസ് ഗോള്‍ നേടിയിട്ടുണ്ട്.
സ്പാനിഷ് കിംഗ്‌സ് കപ്പ് എന്നറിയപ്പെടുന്ന കോപ്പ ഡെല്‍ റേയില്‍ 30-ാം തവണയാണ് ബാഴ്‌സലോണ കിരീടം നേടുന്നത്.
Post Your Comments