റോം: ചാമ്പ്യന്‍ ലീഗ് ഫുട്‌ബോളില്‍ വമ്പന്‍ അട്ടിമറി. എഫ് സി ബാഴ്‌സലോണയെ തകര്‍ത്ത് എ എസ് റോമ. സ്വന്തം തട്ടകത്തില്‍ എതിരില്ലാത്ത മൂന്ന് ഗോളുകള്‍ക്കാണ് റോമ ബാഴ്‌സയെ തറപറ്റിച്ചത്. ഇതോടെ സെമിയിലും ടീം പ്രവേശിച്ചു. ആദ്യപാദത്തില്‍ 4-1ന് റോമ തോല്‍വി ഏറ്റുവാങ്ങിയിരുന്നു. ഇന്നലത്തെ മത്സരത്തില്‍ എതിരില്ലാത്ത 3 ഗോള്‍ നേട്ടത്തോടെ അഗ്രിഗേറ്റ് 4-4 ആയി. എവേ ഗോളിന്റെ അനുകൂല്യത്തില്‍ റോമ സെമിയില്‍ ഇടം നേടുകയായിരുന്നു.
ആറാം മിനിറ്റില്‍ എഡിന്‍ സീക്കോയിയാണ് റോമയുടെ ഗോള്‍ വേട്ടയ്ക്ക് തുടക്കമിട്ടത്. 58-ാം മിനിറ്റില്‍ ലഭിച്ച പെനാല്‍റ്റി ഡാനിയേല്‍ ഡി റോസി ബാഴ്‌സ വലയില്‍ എത്തിച്ചു. 82-ാം മിനിറ്റില്‍ കോസ്റ്റസ് മനോലസ് അവസാന ഗോളും നേടി.
Post Your Comments